Izenak berak azaltzen du jaialdiaren muina: Lautan hiru: antzerki txiki, festibal handia. Lau espaziotan, hiru antzerki emanaldi egingo dituzte urtarrilaren 31tik otsailaren 21era bitarteko lau ostegunetan. Formatu txikiko piezak dira erakutsiko direnak; eta egun bakoitzean eskainiko diren hiru piezak ikusteko tartea izatea ahalbidetuko du horrek. Gaur goizean egin dute egitasmoaren aurkezpena, Euskaltzaindiak Bilbon duen egoitzan.
Euskaltzaindiaren mendeurrena ospatzeko ekitaldien barruan antolatu dute jaialdia, Bilboko Zazpikaleetako hiru kultur eragilerekin batera: Bira kulturgunea, Zazpi Katu gaztetxea eta Cafe Bar Bilbao taberna. Hiru helburu nagusi ditu jaialdiak: euskarazko antzerkia indartzea, batetik; antzerkilariei beren lanak erakusteko espazioak eskaintzea, bestetik; eta Zazpikaleetako kultur giroan eragitea, azkenik.
Egitaraua
Urtarrilak 31:
- 19:00etan, Tabernaria, Cafe Bar Bilbaon
- 20:00etan, Komuna, Euskaltzaindiaren egoitzan
- 21:00etan, Basatiaren mintzoa, Bira kulturgunean
Otsailak 7:
- 19:00etan, Mary’s dream/Maryren ametsa, Euskaltzaindiaren egoitzan
- 19:30ean, Lurrun minez, Cafe Bar Bilbaon
- 21:00etan, Morbus Operandi, Zazpi Katu gaztetxean
Otsailak 14:
- 19:00etan, Inor ez dator, Bira kulturgunean
- 20:00etan, Deskontrolatuak, Bira kulturgunean
- 21:00etan, Tomiris, Zazpi Katu gaztetxean
Otsailak 21:
- 19:00etan, Minus Ukittua, Euskaltzaindiaren egoitzan
- 20:00etan, Maite(k)ale borroka , Zazpi Katu gaztetxean
- 21:00etan, Gudua, Bira kulturgunean
