Albistea entzun

Enpresak

Uvescok %5,2 handitu du fakturazioa 2018an

Iaz 740 milioi euroko fakturazioa lortu zuen, eta 117 lanpostu berri sortu zituen.

BMren supermerkatu bateo arrandegia.
BMren supermerkatu bateo arrandegia. UVESCO

Jon Fernandez -

2019ko urtarrilak 29 12:41

Igarotako urteko emaitzekin "pozik" dagoela azaldu du Jose Ramon Fernandez de Barrena Uvescoko zuzendariak gaur goizean Donostian. Gipuzkoako banaketa enpresa horrrek 740 milioi euroko fakturazioa lortu zuen iaz (BEZa kontuan hartu gabe); aurreko urtean baino %5,2 gehiago. Gainera, urtebetean 117 lanpostu berri sortu ditu BM eta Super Amara supermerkatuetan, eta dagoeneko 4.569 langile daude lantaldean.

2018an 25,5 milioi euroko inbertsioa egin du taldeak, bost supermerkatu berri irekitzeko: horietako bi Gipuzkoan (Donostian eta Hondarribian), bi Kantabrian (Santanderren eta Renedon) eta bat Errioxako hiriburuan. Horrez gain, lehendik irekita zeuden lau supermerkatu berritzeko ere erabili dute inbertsioetako dirua Hernanin, Bilbon, Gasteizen eta Madrilen.

Hain zuzen ere, garrantzi berezia eman dio zuzendariak Madril hiriburuko eta autonomia erkidegoko zabalkundeari. 2017ko maiatzean iritsi zen Uvesco Madrilera eta Avilara, Gigante taldearen hamasei supermerkatu erosita. Emaitza onak ari dira lortzen Madrilen eta haren inguruetan: 2017ko maiatzetik 2018kora %17 igo da han Uvesco, eta, 2018ko maiatzaz geroztik, %10 inguru ari da hazten fakturazioa. Uvescok iaz jarri zuen helburutzat datozen hamar urteetan 50 supermerkatu berri zabaltzea Madrilen.

Aurrera begira ere baikortasunez hitz egin du Fernandez de Barrenak. Aurten, zortzi supermerkatu berri irekiko ditu: bat Potesen (Kantabria), beste bat Logroñon (Errioxa), eta beste sei Madrilgo erkidegoan. Horrez gain, supermerkatu batzuk berritu eta handitu ere egingo ditu: besteak beste, Gasteizko Frantzia kaleko BMa, Elgoibarkoa eta Zarauzkoa.

Horretarako guztirako, Uvescok 30 milioi euroko inbertsioa egingo du 2019an. Zuzendaritzak espero du aurten fakturazioa beste %4 handitzea, eta 770 milioi eurora ailegatzea. Era berean, aurten 200 enplegu berri sortzea aurreikusi du Fernandez de Barrenak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arroz ekoizle bat eskukada bat ongarri eskuan duela, Colombon (Sri Lanka). ©CHAMILA KARUNARATHNE/EFE

ONGARRIEN EKOIZPENAK %70 EGIN DU BEHERA

Maddi Iztueta Olano

NBE Nazio Batuen Erakundeak Errusiari eta Ukrainari eskatu die esportazio kimikoen inguruko akordioa adostu dezaten. Elikagaien eskasia areagotzen ari da.
Gazte bat «jan itzazu aberatsak» dioen pintaketa baten aurretik pasatzen, Atenasen. ©ORESTIS PANAGIOTOU / EFE
Nekazal landak, Berangon. ©Aritz Loiola / FOKU

Elikagai ekologikoen kontsumoak ez du atzera egin

Maddi Iztueta Olano

Arabako, Bizkaiko eta Gipuzkoako nekazaritza lurren %4,6 erabiltzen dira nekazaritza ekologikorako. Helburua 2030. urterako Europako nekazaritza lurren %25 ekologikoa izatea da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...