Noiz sortua: 2019-01-29 16:18:32

Etxeko langileak

Etxeko langile egoiliarren %12k ez dute behar besteko atsedenik hartzen

Bizkaiko Etxeko Langileen elkarteak jasotako testigantzen arabera, legeak baimentzen duen 36 orduko atseden jarraiturako eskubiderik ez dute etxeko langile egoiliarren %70ek.

Bizkaiko Etxeko Langileen elkartearen kontzentrazio bat. /
Bizkaiko Etxeko Langileen elkartearen kontzentrazio bat. / Marisol Ramirez/Foku

Lander Muñagorri Garmendia -

2019ko urtarrilak 29

Etxeko langileen lan baldintzen gordintasuna agerian geratu da beste urtebetez Bizkaiko Etxeko Langileen elkarteak emandako datuetan. Elkarteak eskaintzen duen aholkularitza zerbitzuan 2018an zehar hartutako 523 langileren 592 kasuen arabera, etxeko langile egoiliarren %12k zortzi ordutik beherako atsedena hartzen dute gauetan. Eta legeak dioena eskuan hartuta, Isabel Otxoa elkarteko bozeramailearen azaldu du langile bakoitzak hamabi orduko atsedenaldia izateko eskubidea duela. “Hamar izatera ere irits daiteke, betiere bi ordu horiek beste momenturen batean atseden hartzeko hitzartzen baldin badira”. Baina langile kopuru batek ez du behar besteko atsedenik hartzen, eta horrek ostera langileen osasunean eragina duela salatu du.

Hain zuzen, Osakidetza eta Osalani eskaera egin diote elkarteko kideek laneko osasunean etxeko langileak ere aintzat har ditzaten. “Orain arte ez da halakorik gertatzen; esaterako, mediku agirian jarriagatik ere besoko mina izanda pisu handia duen pertsona bat mugitzen lan egiten duela, ez diete laneko jatorririk onartzen”. Horregatik, Osakidetzari eskaera zuzena egin diote halako kasuak laneko gaixotasun gisa onartzeko.

Etxeko langileen jatorriari begiratuta, etxean bertan lo egiten duten beharginen laurden batek ez dauka nazionalitaterik, eta horiek guztiek ez dute Gizarte Segurantzan kotizatzen. Behargin mota horien %24 dira horiek. Gainerako guztiek, ordea, altan emanda daude. Baina baldintzak gogorrak direla nabarmendu du Otxoak. Astero behargin horiek izan beharko luketen atseden jarraituari begiratuz gero, legeak aste barrurako ezartzen duen 36 orduko atseden jarraitua hartzeko eskubidea ez zaielako bermatzen langileen %70ri.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 28an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan hiru pertsona hil dira COVID-19 gaitzaren eraginez, 23 positibo atzeman dituzte PCR probekin, eta sei gaixo ospitaleratu dituzte. Euskal Herrian 28.976 gaixok eman dute positibo guztira, koronabirusa atzemateko probaren bat eginda. Horietatik 2.037 hil dira. Grafikoak, albiste barruan.

Baionako ospitalea, artxiboko irudi batean. ©Guillaume Fauveau

Mugak irekitzeko eskariak ugaritu egin dira

Berria

Edouard Philippek aipatu du mugako kontrolak kentzeko aukera. Ekainaren 15etik aitzinera izanen litzateke. Iñigo Urkulluk eta Alain Roussetek eskari horixe egin dute; Urkullu Espainiako presidenteari zuzendu zaio, eta Rousset, Frantziakoari, gutun bidez. «Akitania Berria-Euskadi-Nafarroa Euroeskualdean mugaz gaindiko mugikortasuna errazteko» eskatu diete. Nafarroako Gobernuak ere bat egin du eskari horrekin.

Gipuzkoaren eta Lapurdiren arteko mugako saltokiak. Muga ekainaren 15ean zabaltzea «litekeena» dela esan du Edouard Philippe Frantziako lehen ministroak. ©Jon Urbe / Foku

Ipar Euskal Herria bigarren fasean sartuko da ekainaren 2tik aitzina

Oihana Teyseyre Koskarat

Ostatuak zabalduko dituzte, baina neurri zorrotzak errespetatzeko baldintzarekin. Hirugarren fasea ekainaren 22an hastea espero dute.

Irun eta Hendaia arteko muga, apirila erdian ©Guillaume Fauveau

«Mugaz gaindiko mugikortasuna zabaltzeko» eskatu dute Urkulluk eta Roussetek

Berria

Gutun bat bidali dio Iñigo Urkullu EAEko lehendakariak Espainiako Gobernuko presidenteari, «Akitania Berria-Euskadi-Nafarroa Euroeskualdean mugaz gaindiko mugikortasuna zabaltzeko». Gutun beraren kopia helarazi dio Alain Rousset Akitania Berriko presidenteak Edouard Philippe Frantziako Gobernuko lehen ministroari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna