Polizia operazioa

Ehunka marihuana landare atzeman ditu Ertzaintzak Zumaiako fabrika batean

Lekukoen arabera, kalamua ekoizteko berotegi bat aurkitu dute lantegiaren barruan. Polizia operazioa irekita dago.

Berria -

2019ko urtarrilak 30

Polizia operazio bat abiatu du goizean Ertzaintzak Zumaian (Gipuzkoa), Oikia auzoan. Droga trafikoaren kontrako operazioa da. Amaitu arte azalpen gehiagorik ez du eman nahi izan Poliziak, baina lekukoek zabaldu dute zenbait lagun atxilotu dituztela. Ertzaintzako Esan sindikatuak zabaldu duenez, sei dira atxilotuak, eta armak ere atzeman dituzte.

Baleike.eus atariak Ertzaintzaren iturriak aipatuz adierazi duenez, 1.000 kalamu landare inguru zeuden Larra fabrika zaharrean. Lerro hauek idazteko orduan, Ertzaintzak zaintzapean zuen ingurua.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna