Zinema Euskaraz programan estreinatuko dute gaur Dragoi Bola filma Hego Euskal Herrian. Hala, Bizkaian, Gipuzkoan eta Nafarroan ikusi ahal izango da datozen egunetan. Oraingoz, ez dute emango Arabako zinema aretoetan. Erabaki hori kritikatu egin dute hainbatek sare sozialetan.
Zertarako daude gobernuak (@Irekia) (@gob_na), udalak, euskara planak, euskaraldiak... Gero aisialdian ezin badugu beti euskaraz ikusi dugun telesail baten filmaren euskarazko bertsioa ikusi. Nafarroan leku bakarran, Araban ez, Ezkerraldea-Enkarterrin ere ez...
— Nertxi 🇻🇪 (@Nertxi) 2019(e)ko urtarrilaren 31(a)
Ez da hau izango datozen egunetan euskaraz estreinatuko diren haurrentzako pelikula bakarra. Laster helduko da Lego 2 ere. Baina ez dago argi zer gertatuko den haren ondotik; izan ere, Bieuse Bikoiztaile Euskaldunen Elkarteak uko egin dio haurrentzako filmak bikoizten jarraitzeari.
