Albistea entzun

EUSKARA

2020ko udazkenean egingo dute bigarren Euskaraldia

Datorren urtean egingo dute hurrengo aldia. Hizkuntza ohituretan eragitez gain, helburu izango du entitateetan eragitea, "euskararen erabilera hazteko neurriak" har ditzaten.

Lehen Euskaraldiaren balorazioa egiteko agerraldia.
Lehen Euskaraldiaren balorazioa egiteko agerraldia. Andoni Canellada/Foku

Garikoitz Goikoetxea -

2019ko urtarrilak 31

Euskaraldia ariketa soziala egingo dute aldi gehiagotan. Iazko udazkenean egin zuten lehen aldia, azaroaren 23tik abenduaren 3ra, eta balorazioa egitean aurreratu zuten bide hori jorratzen segitu nahi zutela. Proposamen zehatza lantzen ari dira, baina aurreratu dute 2020ko udazkenean egingo dutela hurrengo ariketa.

Eusko Jaurlaritzak ohar batean azaldu duenez, herritarren hizkuntza ohiturak aldatzeko helburuaz gain, beste bat ere izango du datorren urtekoak: entitateen funtzionamenduan eragitea, euskararen erabilera areagotzeko "urrats zehatzak" egin ditzaten. "Konpromiso zehatzak hartu eta gauzatuko dituzte erakunde publikoek, enpresek, komertzioek, elkarteek eta gizarte eragileek".

Aurreko Euskaraldian 220.000 lagunek baino gehiagok eman zuten izena, eta 200 entitatek baino gehiagok babestu zuten ariketa. Herritarren ahobizi eta belarriprest rolak izango dira datorren urteko ariketan ere, eta horri erantsi nahi diote entitateek pisu handiagoa izatea. “Urrats bat aurrera egin eta entitateen funtzionamenduan euskararen erabilera eta praktikak babesteko konpromiso zehatzak hartzeko eskaria egingo zaie”. Aurten bertan hasiko dira hori prestatzen.

Euskaraldiak izandako eraginari buruzko ikerketa martxan du Soziolinguistika Klusterrak, eta udan jakinaraziko dituzte emaitzak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Elhadji Ndiaye omentzeko ekitaldia, Iruñeko Arrotxapea auzoan, iaz. ©JESUS DIGES / EFE

ESPALOIAN ITOTAKO BIZITZA

Ion Orzaiz

Duela bost urte, 2016ko urriaren 25ean, Elhadji Ndiaye senegaldarra zendu zen, Espainiako Poliziaren zaintzapean, Iruñean. Atxiloketa bortitz baten ostean konfirmatu zuten hila zela. Poliziaren jokabide arrazisten ondorio dela uste dute Ndiayeren lagunek eta gobernuz kanpoko erakundeek.
Egonkorrak bilakatu dira Ipar eta Hego Euskal Herriaren artean Frantziako indar armatuek egiten dituzten kontrolak. ©BOB EDME

Sistemaren belauna lepoan

Oihana Teyseyre Koskarat - Jone Arruabarrena - Ion Orzaiz -Javi West Larrañaga

Migratzaileen aurkako jazarpena fenomeno orokortua da Euskal Herrian. Adituek eta gobernuz kanpoko erakundeek salatu dute Poliziak «sistematikoki» erabiltzen duela bortxa pertsona arrazializatuen aurka.
 ©BERRIA

«Polizia, nahitaez, giltzarri da gizarte arrazista iraunarazteko»

Maite Asensio Lozano

Segurtasunaren zein mehatxuen inguruan zabaltzen diren ideiak «eraikuntza politikotzat» dauzka Douhaibik; horrekin lotu ditu kolektibo arrazializatuen aurkako kriminalizazioa eta jazarpen poliziala.
 ©BERRIA

«Behartu nahi gaituzte Poliziaren aurrean behera begiratzera»

Ion Orzaiz

Modou Faye, 'Beltxa'. Senegal atzean utzita, Iruñera iritsi zen duela urte asko. Paperak ditu orain, Africa United elkarteko burua da, baina horrek ez du Poliziaren jazarpenetik libratu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.