Noiz sortua: 2019-02-04 21:19:01

Garraioa

Araudi berrirako oinarriak adostu dituzte taxilariek, IGek eta Jaurlaritzak

Ibilgailu gidaridunak (IG) erabili baino ordubete lehenago kontratatu beharko dira, derrigorrez

Jaurlaritzaren, taxi gidarien eta IGen elkartearen arteko bilera, gaur.
Jaurlaritzaren, taxi gidarien eta IGen elkartearen arteko bilera, gaur. IREKIA

Jon Fernandez -

2019ko otsailak 4

IG ibilgailu gidaridunen araudi berriaren oinarriak adostu dituzte gaur arratsaldean Eusko Jaurlaritzak, taxi gidarien elkarteak eta IGen elkarteak. Akordioa taxien mahai sektorialaren hurrengo bileran berretsiko da, gero Jaurlaritza testu artikulatua idazten hasteko, gaur adostutako alderdiak aintzat hartuta.

Lau puntu nagusi dauzka akordioak. Batetik zehaztu dute IGen kasuan lizentzia jasotzen duena auto bat dela, ez gidaria; aldiz, taxi gidariek beraiek jasotzen dute lizentzia, pertsona fisikoek. Bestetik, taxi gidarien aspaldiko eskari bi onartu dituzte: IG zerbitzua aurrez kontratatu beharko dela, ordubete lehenago gutxienez, eta IG lizentziadun autoak ezingo direla kaleetan hara-hona ibili bezero bila. Ezingo dute kalean inor jaso gutxienez ordubete lehenago harekin zerbitzua kontratatu ez badu, salbuespenezko kasu batzuetan izan ezik —larrialdietan, istripu mutualiateen kasuan, errepideko laguntza kasuetan, lehendik kontratatutako zerbitzu baten aldaketak egonez gero, eta abar—. Azkenik, IGak lizentzia jasotako autonomia erkidegoan ibili beharko dira normalean, eta handik kanpo joanez gero argi eta garbi adierazi beharko dute aurre-panelean.

Bi zerbitzuren elkarbizitza helburu

Jaurlaritzako Garraio Plangintzaren zuzendariak "garrantzitsutzat" jo du akordioa, auraudi berriaren gidalerroak ezarri dituztelako. "Konfrontazioaren eta indarraren aurrean, Euskadin, gaur, gauzak egiteko beste modu bat aurkeztu dugu, elkarrizketatik eta adostasunetik abiatuta", adierazi du Janiera Bijueska, bertoko egoera Madrilen eta Bartzelonan taxi gidariek egindako protestekin alderatuz.

Bijueskaren iritziz, gaurko akordioaren ondorioz "ez dute batzuek edo bestek irabazi, baizik eta euskal gizarteak". Akordiori esker, IGen sektorea arautu nahi du Jaurlaritzak, taxienarekin "modu antolatuan bizi ahal izateko". Bijueskak nabarmendu duenez, "bi zerbitzuen izaera desberdina da, Euskadin ibilbide luzekoak biak, eta elkarrekn ozagarri izan daitezkeenak".

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 4an eguneratua. ©BERRIA

Koronabirusaren azken datuak

Berria

Azkeneko 24 orduetan zortzi lagun hil dira COVID-19 gaitzaren eraginez. Bederatzi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.607 gaixok eman dute positibo guztira, koronabirusa atzemateko probaren bat eginda. Horietatik 2.086 hil dira. Grafikoak, albiste barruan.

Maria Txibite, Manu Aierdi eta Elma Saiz kontseilariekin parlamentutik ateratzen. ©Idoia Zabaleta, Foku

Mugaz bi aldeetako bidaiak errazteko eskatu du Nafarroako Parlamentuak

Berria

Navarra Sumaren abstentzioarekin eta bertze alderdi guztien baiezko botoarekin onartu dituzte neurriak. Bertzeak bertze, 50.000 eurorainoko diru laguntzak onartu dituzte kultura ogibide dutenentzat, eta alokairua ordaintzeko diru laguntzak hamabi hilabetez luzatuko dizkiete autonomoei eta aldi baterako enplegu erregulazioan daudenei. 

Martin Ugalde Foroa: Euskara ere normalitaterantz?

Euskararen lekuaz normaltasun berrian, Martin Ugalde Foroan

Berria

Josu Amezagak, Idurre Eskisabelek eta Amelia Barquinek hartu dute parte Kontseiluak sustatutako mahai inguruan, Andoainen. BERRIAn osorik ikusteko aukera dago.

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna