Urtebete. Julen Ibarrolak osorik beteko du Espainiako Auzitegi Nazionalak "terrorismoa goratzeagatik" jarritako zigorra. Zehazki, errotuladoerarekin pintaketa bat egin izana leporatu zioten, eta espetxeratu egin zuten aurrekariak zituela-eta —udalaren erakin huts bat okupatzeagatik zigortu zuten—.
Iazko otsailaren 11n sartu zen Ibarrola Basauriko (Bizkaia) espetxean. Aurrez, ehunka lagunen babesa jaso zuen herrian, adierazpen askatasunaren aldeko elkarretaratze batean.
Otsailak 10 | Ongi etorri Julen!#BatGutxiago#DenakEtxerapic.twitter.com/gJztM7Lxw0
— #JulenLIBRE (@JulenLIBRE_) 2019(e)ko otsailaren 3(a)
Basaurin urtebeteko zigorra bete ondoren, igandean irtengo da kalera Ibarrola. 9:00etarako antolatu dute lehen harrera Amurrioko gaztetxean, eta 13:00etan egingo dute ekitaldi bat herriko kioskoaren inguruan.
Bera espetxeratzeko arrazoi nagusia "mendekua" zela salatu zuen Ibarrolak, preso hartu aurretik BERRIAk egindako elkarrizketan: "Herrian gazte mugimenduan egindako lana zigortu nahi dute ni kartzelara bidaliz. Ez dira konturatzen nire ahotsa isilarazi nahian herri oso bat oihuka jartzen dutela".