Klika izango da aurtengo Korrikaren leloa, eta Jose Luis Alvarez Enparantza Txillardegi omenduko du. Larunbatean estreinatuko dute Alfabetatze Euskalduntze Koordinakundeak bultzatutako Txillardegiren Klika dokumentala, eta gaur jarri dute ikusgai aurrerapena.
Txillardegi beraren agertzen dira aurrerapen horretan, eta Laura Mintegiren eta Joxe Azurmendiren hitzak ere jasotzen ditu.
Kote Camacho zinemagileak egindako dokumentala da. Urteak zeramatzan Txillardegiren inguruko dokumental bat egin nahian. Txillardegiren egunkari ezkutua egitasmoa aurkeztu zuen 2017. urtean. "Orduan eginiko elkarrizketak eta dokumentazio lana aprobetxatu dut Txillardegiren Klika osatzeko", esan du.