euskal presoak

Asier Bengoa Espainiaratu egin dute, zigorra betetzeko

 
Orain Presoak dinamikak deituta Bilbon egindako manifestazioa, urtarrilean
Orain Presoak dinamikak deituta Bilbon egindako manifestazioa, urtarrilean Aritz Loiola/Foku

Enekoitz Esnaola -

2019ko otsailak 5

Frantziak Espainiaratu egin du Asier Bengoa Lopez de Armentia euskal presoa, Espainiako Estatuan ezarrita daukan kartzela zigorra osorik bete dezan. Lannemezan (Okzitania) espetxean zegoen Bengoa gasteiztarra, eta handik lehenik Donostiako komisaldegira eraman dute, gero Soto del Realen (Madril) sartzeko preso.

Espainiako Poliziak 2003ko apirilaren 1ean atzeman egin zuen, ETArekin lotuta, baina hiru urtera epaiketa egin eta berehala, epaia jakin baino zerbait lehenago, behin-behinean aske geratu zen 2006ko azaroaren 7an. Ihes egin zuen Bengoak. Zazpi urte eta erdiko zigorra ezarri zion Auzitegi Nazionalak urte hartako azaroaren 21ean, ETAri laguntza ematea leporatuta. 2007ko abenduan Frantziako Estatuan atxilotu egin zuten. Hamabost urteko zigorra ezarri zioten Frantzian; amaitu zaio, baina ez dute libre utzi, Espainiaratu egin dutelako han daukan zigorra betetzeko.

Iazko uztailean Clairvauxeko espetxetik Lannemezangora hurbildu zuten, Parisen eta Ipar Euskal Herriko ordezkaritzaren elkarrizketen ondorioz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna