Saura Garciak langileen heriotzak egoera lazgarriak direla nabarmendu du bere erantzunaren hasieran. "Heriotza bakoitza drama bat da, ez zaie dramatismorik kendu behar heriotza horiei". Baina, segidan, estatu idazkariak ez du drama bat den arazo bati lotuta espero daitekeen kezkarik, heriotza kopuruaren pisua apaltzera bideratu baitu bere hitzaldia.
"Adifek egiten dituen AHTaren lanetan izan den heriotza kopurua txikiagoa da eraikuntzaren sektorean dagoen heriotza tasarekin alderatuta. Gainera, indize horiek beheranzko joera dute azken urteetan. 2007an, 1.000 langileko 82k izan zuten lan istripua bajarekin eta 34 izan ziren 2017an. %60ko murrizketa da hori.
EH Bilduk kritikatu egin ditu Saura Garciaren hitzak. Araba, Bizkai eta Gipuzkoako AHTren lanetan gertatu diren bederatzi heriotzei "garrantzia kendu" diela salatu du.
🔴 Azken 10 urteotan 9 langile hil dira AHTaren EAEko lanetan prekaritateak eta lan baldintza eskasek eraginda. Espainiako Sustapen Idazkariak garrantzia kendu die, eraikuntza sektorean hildakoak gehiago direla iritzita.
— EH Bildu Congreso - Senado (@ehbilducongreso) 7 de febrero de 2019
Hemen bideo osoa 📺👉 https://t.co/KHgcZNNyMx@JonInarritupic.twitter.com/18fMo8YQV0
BERRIAk AHTaren lanetan hil diren bederatzi langileei buruzko erreportajea argitaratu zuen joan den igandean, erakunde publikoek sustatutako azpiegitura handien obretan atzeman diren lan baldintza prekarioei buruzko erreportaje sorta baten baitan.
