Calvok adierazi duenez, Espainiako Gobernua "beharrezkoak diren zubi guztiak eraikitzeko prest" dago, baina azken eskaintzak ez duenez jasotzen ez autodeterminazio eskubidea ezta erreferenduma ere, alderdi independentistek ezezkoa helarazi diote. Marra gorri horri eutsi dio Espainiako presidenteordeak: "Gobernu honek ez du inoiz onartuko autodeterminazio erreferendum bat. Onartezina da. Hamaika aldiz esan dugu".
Madrilek publiko egin du alderdi katalan independentistei helarazi dien dokumentua. Han jaso du alderdien mahai bat osatzeko aukera; proposamenaren arabera, "alderdi bakoitzeko bi ordezkarik" eta Espainiako eta Kataluniako gobernuek osatuko lukete; eta mahai hori koordinatuko luke "elkarrizketarako baldintza egokiak sortzeaz arduratuko den pertsona batek". Ez du, beraz, kontalari hitza erabili figura hori deskribatzeko. Gobernuaren asmoa zen mahai hori osatzea hilabetea amaitu baino lehen, baina, Calvoren arabera, alderdi independentistek uko egin diote proposamen horri.
Este es el documento con la propuesta del Gobierno para Cataluña: convivencia, diálogo y ley. El Gobierno de España no aceptará nunca un referéndum de autodeterminación. https://t.co/Bbs0mYb92Opic.twitter.com/426CqBLL4h
— La Moncloa (@desdelamoncloa) 8 de febrero de 2019
Espainiako presidenteordeari erantzuteko, premiazko agerraldia egin dute Elsa Artadi Kataluniako Gobernuaren eledunak eta Pere Aragones Kataluniako presidenteordeak —biek parte hartu dute negoziazioetan, Generalitatearen izenean—. Artadik deitoratu du Espainiako Gobernuaren erabakia, eta egotzi dio "demokraziaren eta politikaren aurka daudenen aurrean" amore ematea, alderdi eskuindarrei erreferentzia eginez.
Bide beretik, Aragonesek ohartarazi dio autodeterminazioari uko egitea ez dela hizketetarako baldintza bat: "Hori egitea atxikimendu bat litzateke, ez negoziazio bat". Hala ere, jakinarazi du Generalitateak negoziazio mahaian jarraituko duela, "arazo politikoek irtenbide politikoak" behar dituztela argudiatuta.
â–¶ #Vicepresident@perearagones: “És el govern de l’Estat qui ha trencat i abandonat l’espai de diàleg. Nosaltres no ho fem. Nosaltres seguirem a la taula de diàleg. No acceptarem que se’ns demani la renúncia a les nostres conviccions per seure a una taula a negociar” pic.twitter.com/i6mBwiZuQ0
— Govern. Generalitat (@govern) 8 de febrero de 2019
Datorren asteartean eta asteazkenean eztabaidatuko dituzte aurrekontuak Espainiako Kongresuan. PDeCATek eta ERCk oso zuzenketak aurkeztu dizkiete, eta lehen alderdiak soilik agertu da hizketan jarraitzeko prest. Bi alderdi horien babesik gabe, Sanchezek ia ezinezko izango du aurrekontuak aurrera eramatea; horregatik, hauteskunde orokorrak aurreratzeko aukera zabalik utzi du Calvok. "Aurrekonturik gabe, legegintzaldia laburtuko da".
