Trafiko istripuak

Bi motor gidari hil dira istripu banatan, Deban eta Barakaldon

29 urte zituen Barakaldon (Bizkaia) hildakoak, eta 35 Debakoak (Gipuzkoa), Ertzaintzak jakinarazi duenez.

Debako istripua.
Debako istripua. BERRIA.

Berria -

2019ko otsailak 9

Bi motor gidari hil dira gaur trafiko istripu banatan. Ertzaintzak eman du istripuen berri. Jakinarazi dutenaren arabera, A-8 autobidean izan da lehen istripua, Barakaldon (Bizkaia) parean, goizeko bederatziak eta hogeita bost inguruan. Zaurituta eraman dute gidaria Gurutzetako ospitalera, eta han hil da. 29 urte zituen.

Arratsaldean, berriz, Deban (Gipuzkoa) izan da beste istripu bat. Motor gidari bat zendu da han ere, N-634 errepidean izandako istripuan. 15:00ak aldera izan da ezbeharra: auto bat aurrez aurre jo du motorrak, eta eta 35 urteko motorzalea hil da. Larrialdi zerbitzuek bertara joan arren, ezin izan dute ezer egin gidariaren bizia salbatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna