Ingurumena

Petronorren izandako azken isuriak salatu dituzte

Aireko partikulak neurtzen dituzten estazioak ez dabiltzala ohartarazi dute.

Manifestazioa egin dute goizean, Zierbenatik Muskizera, Petronorren azken isuriak salatzeko.
Manifestazioa egin dute goizean, Zierbenatik Muskizera, Petronorren azken isuriak salatzeko. @otero_mikel

Ibai Maruri Bilbao -

2019ko otsailak 9

Joan diren astearte eta asteazkenean Petronorrek egindako isurien aurkako salaketa ipini du Meatzaldea Bizirik plataformak Ertzaintzan, eta gaur gizarte osoari eman nahi izan diote horren berri. Manifestazioa egin dute goizean, Zierbenatik Muskizera, Las Carreras auzotik Petronorren findegira. Bizkaiko Meatzaldeko bizilagunek usain txarra nabaritu zuten egun horietan. Hainbatek eztarriko eta buruko minak eta botagalea izan dituzte. "Petronor ez gara labezomorroak", ohartarazi diote enpresari. Eurak pozoitzen ibiltzea egotzi diote.

Jaurlaritzari ere "arduragabe" jokatu izana leporatu diote. Besteak beste, isuriak egon diren egunotan, ez du larrialdi planik martxan ipini. Eta Las Carreras auzoan duen aireko partikulen neurgailua matxuratuta dagoela salatu dute. Horrez gainera, neurketak manipulatu egiten direla uste dute, gorantz nabarmentzen diren kopuruak desagertu egiten direlako, denbora igarotakoan. 

Urtarrilean Bizkaiko Fiskaltzak Muskizko findegian izandako isuri bat ikertzeari ekin zion, bizilagunek gutun bat jaso ondoren. Petronorren isuriak epaitegietara iristen diren lehen aldia da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna