Goizeko zortziak aldera irten da Basauriko (Bizkaia) espetxetik Julen Ibarrola gaztea, errotuladore batekin pintaketa bat egitea egotzita urtebeteko zigorra osorik bete ondoren. "Terrorismoa goratzea" egotzi zioten. Aiaraldea.eus hedabideak berri eman duenez, Amurrioko (Araba) sarreran elkartu dira dozenaka senide, lagun eta herritar, Ibarrolari lehen harrera egiteko. Bederatzietarako zuten jarria hitzordu bat herriko gaztetxean. 13:00ean, berriz, ekitaldi bat egin dute herriko kioskoan.
Julen Ibarrolari Amurrion (Araba) egindako harrera, gaur eguerdian. Jaizki Fontaneda / Fou
Julen Libre kontutik ongietorria eman diote Amurrioko gazteari, eta Galder Barbadoren —Ibarrolaren herrikoa da hura ere— eta Aitor Zelaiaren askatasuna eskatu dute. Bi gazteak espetxeratu egin zituzten herenegun, Ertzaintzak atxilotu ondoren.
â—Julen Ibarrola gazte amurriarra Basauriko espetxetik atera berri da, margo batekin pintaketa bat egiteagatik urtebete preso egon ondoren.
— #JulenLIBRE (@JulenLIBRE_) 2019(e)ko otsailaren 10(a)
↘ï¸ÂÂÂÂÂÂÂÂOngi etorri Julen!↖ï¸ÂÂÂÂÂÂÂÂ
Galder eta Aitorren berehalako askatasuna eskatzen dugu.#batgutxiagopic.twitter.com/J99Z2nHM5h
Amurriokoa da Alfredo Remirez ere. Hura ere Basauriko espetxean preso egon da berriki arte, eta, Ibarrola atera denean, ongietorria eman dio @erreharria Twitter kontutik.
Julen Ibarrola Gurekin da berriro!#batgutxiagopic.twitter.com/vW7MywTfBC
— ÉÂÂÂÂÂÂÂÂá´Â‰ɹɹÉÂÂÂÂÂÂÂÂÉ¥Ó™ɹɹÓ™@ ðŸ¤Â˜ (@erreharria) 2019(e)ko otsailaren 10(a)
Bera espetxeratzeko arrazoi nagusia "mendekua" zela salatu zuen Ibarrolak, preso hartu aurretik BERRIAk egindako elkarrizketan: "Herrian gazte mugimenduan egindako lana zigortu nahi dute ni kartzelara bidaliz. Ez dira konturatzen nire ahotsa isilarazi nahian herri oso bat oihuka jartzen dutela".
