Geroa Bai

Barkosek ohartarazi du UPN ez dela "autogobernua defendatzeko gai"

Ekitaldi politikoa egin du Geroa Baik Iruñean, eta "herritarren Nafarroa" aldarrikatu du Uxue Barkos lehendakariak.

Geroa Baiko kideak, gaur, Iruñeko Baluarten egidako ekitaldian.
Geroa Baiko kideak, gaur, Iruñeko Baluarten egidako ekitaldian. @GeroaBai

Berria -

2019ko otsailak 10

“Gaur, berriro ere, eta bereziki gaur, herritarren Nafarroa nahi dugula aldarrikatu nahi dugu, eta ez Madrilen ordezkari direnen Nafarroa”, esan du Uxue Barkos Nafarroako lehendakari eta Geroa Baiko kideak Iruñeko Baluarten egindako ekitaldi politikoan. Madrilen Espainiako alderdi eskuindarrek egindako manifestazioa gogoan, han izan direnek "hauteskunde interesak nafarren interesen gainetik" jartzen dituztela salatu du.

UPNri mintzatu zaio Barkos, eta gogor kritikatu du. "Zer egiten du Madrilen Nafarroako Parlamentuko lehen alderdiak?", galdetu du: "Espainiaren batasuna defendatu, foru hobekuntzaren aurka, Itun Ekonomikoaren aurka, foru erregimenaren aurka eta Nafarroako autogobernuari gerra deklaratuz. Onartezina da". Madrilgo mobilizazioaren harira, gaurkoa "Inflexio puntua" dela nabarmendu du: "Erakusten du [UPN] ez dela Nafarroako autogobernua defendatzeko gai. Ez duzue eskumen bakar bat ere borrokatu 40 urtean".

Biharko Nafarroa lelopean egin dute hauteskunde kutsuko ekitaldia. Baluarten izan da, Barkosekin batera, Itziar Gomez Iruñeko Geroa Bairen alkategaia ere. Parlamentuko bozeramaile Koldo Martinezek ere hartu du parte, Maria Solana eta Manu Aierdi kontseilariekin batera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna