Migrazioa

Estatu arteko bidaietarako Donostiako autobus geltokian pasaportea eskatzen dela salatu dute

Europako Batasuneko Auzitegi Nagusiak legez kanpoko jo zuela gogoratu dute SOS Arrazakeriak eta Donostiako Harrera Sareak

Donostiako autobus geltokia
Donostiako autobus geltokia Juan Carlos Ruiz / Foku

Ibai Maruri Bilbao -

2019ko otsailak 13

Duela bi hilabete ohartarazi zieten Donostiako autobus gidariei atzerritarrei ezin dietela pasaporterik eta doazen estatuan bizitzeko baimenik eskatu. "Euren enpresetan esan zezaten eskatu genien, baina denbora igarotakoan berdin jarraitzen dutela ikusi dugu. Azkenekoz, joan den astean", azaldu du SOS Arrazakeriako Peio Aierbek. Hala, salaketa publiko egitea erabaki dute, epaitegietara joan aurretik. Esan du enpresa batzuk web gunean bertan ere pasaportea eskatuko dutela iragartzen dutela.

Europako Batasuneko Auzitegi Nagusiak legez kanpoko jo zuen Schengen eremu barruan estatu arteko bidaietan pasaportea eskatzea. Alemaniako auzi baten harira eman zuen epai hori, Aierbek azaldu duenez. "Badirudi han pasaportea eskatzea jasotzen zuen arau administratibo bat zegoela, baina guk dakigula hemen ez dago horrelakorik". Izan ere, bada pasaportea eskatzen ez duen enpresarik. Pesaren adibidea ipini du: Donostiatik Baionara joateko ez du eskatzen. Trenez joateko ere ez dela behar zehaztu du.

Orain enpresekin harremanetan ipiniko dira. Lehengoan jarraitzea erabakiko balute, salatu egingo dituztela iragarri du Aierbek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna