Ekialde Hurbila

Irango Guardia Iraultzaileetako 27 kide hil dituzte atentatu batean

Balutxistanen izan da erasoa, militarrak garraiatzen zituen autobus baten kontra.

Balutxistango Zahedan eta Khax hirien arteko errepidean leherrarazi duten autobusaren irudia.
Balutxistango Zahedan eta Khax hirien arteko errepidean leherrarazi duten autobusaren irudia. EFE

Mikel Rodriguez -

2019ko otsailak 13

Estatuko Fars eta IRNA agentziek jakinarazi dutenez, Balutxistango Zahedan eta Khax hirien arteko errepidean zihoan autobusa, suizida batek bonba auto bat zartarazi duenean. Gutxienez 27 guardia iraultzaile hil dituela jakinarazi dute iturri horiek.

Iranen egin duten atentaturik handiena izan da, joan den udazkenean Ahvaz hirian bertze 25 militar hil zituztenetik.

Balutxistan Iranen eta Pakistanen artean banatuta dagoen herria da, balutx etniako biztanleen jatorrizko lurraldea. Duela hamarkadatatik bi estatuen aurka borroka armatua egin izan dute hainbat talde nazionalistak, baita muturreko ideologia islamista sunita duten taldeek ere. Azken horietako batek, Justiziaren Armadak, hartu du erasoa bere gain, Fars agentziaren arabera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna