Hezkuntza

LABek Eskola Kontseiluko buruaren dimisioa eskatu du

LAB sindikatuak kritikatu egin du Euskadiko Eskola Kontseiluak Jaurlaritzaren irakasle postuetarako lan eskaintzari buruz egin duen txostena. Proposamen hori gardentasunik gabe lantzea egotzi dio. Ordezkoak azterketetara "derrigor" joan behar izatea proposatu du kontseiluak.

Maider Izagirre LABeko Hezkuntza arduraduna eta Garbiñe Aranburu sindikatuko idazkari nagusia, artxiboko irudi batean.
Maider Izagirre LABeko Hezkuntza arduraduna eta Garbiñe Aranburu sindikatuko idazkari nagusia, artxiboko irudi batean. LAB

Gorka Berasategi Otamendi -

2019ko otsailak 14

"Prozeduraren gardentasun eza, hezkuntza komunitateraren parte hartze eza eta inolako eztabaidarik garatu ez izana" leporatu dio LABek Eskola Kontseiluari. Salatu du prentsaren bidez izan duela txostenaren berri.

Eskola Kontseiluak ez du hezkuntza eragileekin proposamena eztabaidatzeko saiakerarik egin, LABen esanetan. "Lotsagarria da hezkuntza komunitatearekin adostutako neurria dela adieraztea, inongo momentuan eztabaidarik garatu ez den neurrian. Hamaikagarren aldiz arrabola pasatzea erabaki dute hezkuntza komunitatearen iritziaren gainetik. Zoritxarrez, ez da horrelako gertaera bat ematen den lehen aldia". Herenegun unitate didaktikoarekin eta hezkuntzaren gaineko akordio proposamenarekin ere gauza bera gertatu dela adierazi du sindikatuak.

Sindikatuak gaineratu du ikasturte hasieratik agertu dela kontseiluak iragarri duen proposamenaren aurka, eta haren harira hainbat mobilizazio egin dituela gogorarazi du. "Alegazioak eta emendakinak aurkeztu ditugu gure aurkako jarrera argi adierazteko, eta ez dugu inolako erantzunik jaso".

Guzti horrengatik, LABek Nelida Zaitegi Eskola Kontseiluko buruaren dimisioa eskatu du. Eskola Kontseiluaren barne araudia "errotik" aldatzea eta Eskola Kontseiluak "kortijo" bat izateari utzi diezaiola ere galdegin du sindikatuak.

Eskola Kontseiluak Eusko Jaurlaritzari luzatu dion txostenean proposatu du hezkuntza publikoko ordezko irakasleek "derrigor" aurkeztu behar izatea oposizioetara, lan deialdi publikoa egiten den aldiro. Aldaketa horrek milaka irakasleri eragingo lieke, ordezko asko ez baitira azterketetara aurkezten. Jaurlaritza urrats batzuk egiten ari da oposizioei pisu handiagoa emateko: hurrengo deialdian, azterketa gainditu eta lanpostu finkoa lortzen ez dutenek sei puntu jasoko dituzte ordezko listetarako. Hau da, urtebeteko esperientziak adina puntu.
 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna