Bihar Berrian

Bertako pasta, lurra eta elikadura zainduz

Italiar jatorriko produktua da pasta, mundu osoan kontsumitzen bada ere. Euskal Herrian ere badaude pasta ekoizleak, eta haietako hiru ezagutuko ditugu bihar ‘Bizigiro’ gehigarrian.

Pasta Martinelli Mikrokooperatibak Beriainen (Nafarroa) du lantegia.
Pasta Martinelli Mikrokooperatibak Beriainen (Nafarroa) du lantegia. Iñigo Uriz / Foku

Izaro Zinkunegi Barandiaran -

2019ko otsailak 15

Energia iturri handiko elikagaia da pasta; osagai, kolore, forma eta ezaugarri ugaritakoa izan daiteke. Ontziratutako pasta lehorra da seguru asko gehien kontsumitzen dena, atzerrian ekoitzitakoa eta supermerkatuan erosia. Baina Euskal Herrian ere badira pasta ekoizleak, eta haietako hiruren berri emango du bihar Bizigiro gehigarriak. Bakoitzaren ibilbidea jorratuko du, baita elkarbanatzen dituzten zenbait balio ere, hala nola, osasuna eta ingurumena zaintzeko ardura. Errezeta batzuk ere emango dituzte ekoizleek.

Gastronomiaren atalean, berriz, Bilboko Bohemian Lane gozotegi ekologikoa aurkeztuko du gehigarriak. Gozo beganoak ekoizten dituzte bertan, animalia jatorriko osagairik ez dutenak, alegia. Gozotik nola, gazitik jateko aukera ere bada Bohemian Lanen, arrautzarik gabeko tortillak ere egiten baitituzte.

Zinemak ere izango du tartea gehigarrian; aste honetan Karyn Kusamaren Destroyer filma jorratuko du Gontzal Agotek. Nicole Kidmanek gorpuzten du filmeko protagonista; iraganeko mamuek eragingo dioten polizia baten rola jokatuko du.

Azkenik, asteburuko ekitaldien errepasoa egingo du Bizigiro-k; tartean, Uztaritzeko (Lapurdi) Hartzaro festibala izango du hizpide. Udaberriari ongietorria egiteko ospakizunetan murgildu dira jadanik herrian. Martxoaren 5a izango da egun handia, inauterietako asteartea, baina datozen egunetan ere izango da zertaz gozatua; hitzaldiak, kontzertuak eta ikuskizunak izango dira, besteren artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna