Reala 3 - 1 Sevilla

Espainiako Kopako finala jokatuko du Realak

Partida bikaina jokatu dute Arkonadarenek. Zaleek Donostiako martxa abestuz ospatu dute garaipena. Granada dute orain begiz jota; Atletico Madril izango dute aurkari finalean.

Realeko jokalariak garaipena ospatzen, zelaian. /
Realeko jokalariak garaipena ospatzen, zelaian. / Juan Carlos Ruiz/Foku

Ainara Arratibel -

2019ko otsailak 18

Poza izan da nagusi Anoetan. Ez da gutxiagorako. Lehen aldiz Espainiako Kopako finala jokatuko du Donostiako taldeak. Izan ere denboraldi bikainari, amaiera ezin hobea emateko aukera izango dute Arkonadarenek, Atletico Madrilen aurkako azken partida horretan. 

Gaurkoan ere bikain aritu dira Realeko jokalariak. Eurak izan dira markagailua estreinatzen lehenak, partida hasi eta berehala 1-0ekoa egin du Nuria Gomezek. Baina gutxi iraun die lasaitasunak. Izan ere, Maddi Torrek berdindu egin du, eta urduritasuna itzuli da zelaira. 

Kolpea izan da Torreren gola. Baina azkar irauli dute berriz ere markagailua eta Carla Bautistak egin du txuri-urdinen bigarrena 2-1 26. minutuan. Aurretik joateak ematen duen indarrarekin, hirugarrena sartzear izan dira etxekoak minutu gutxira.Aukera bikoitza izan dute Kianak eta Leire Bañosek. Txuri urdinen artean nabarmendu da Baños gaur. 

Atsedenaldiaren ostean, indartsu irten dira txuri-urdinak zelaira, eta laster heldu da garaipena bermatu duen gola. 53. minutuan izan da, Ane Etxezarretaren jaurtiketa bikain bati esker. Hortik aurrera ospakizuna izan da nagusi harmailetan bildutako 18.731 zaleen artean. Donostiako martxa abestuz ospatu dute etxeko taldea finalerako sailkatu izana. 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna