Albistea entzun

Epaiketaren zazpigarren saioa, minutuz minutu

Ikusi epaiketa zuzenean. Jordi Cuixart Omnium Cultural elkarteko presidenteak deklaratu du goizean.

Epaiketaren zazpigarren saioa, minutuz minutu
Epaiketaren zazpigarren saioa, minutuz minutu

Berria -

2019ko otsailak 26

*Fiskalaren baieztapenak kolokan jarri ditu etengabe Omniumeko buruak. Nabarmendu du Omniumen helburua ez dela sekula izan independentzia, gizartearen kohesioa eta autodeterminazio eskubidea defendatzea baizik.

*Omniumen helburuak beti baketsuak izan direla berretsi du Cuixartek, eta argudiatu du instrukzio epailearen aurrean egindako adierazpenen egin gau egin dituenen arteko kontraesanik bada, orduan bere helburu bakarra espetxetik irtetea zelako dela adierazi du.

*Arratsaldeko saioan deklaratzen ari da Carme Forcadell Kataluniako Parlamentuko presidente kargugabetua. Parlamentuan onartutako legeen tramitazioaz arituko da nagusiki.

*Bihartik aurrera lekukoek deklaratuko dute.
Bihar: Joan Tarda (10:00), Roger Torrent (10:30), Artur Mas (11:00), Soraya Saenz de Santamaria (11:30), Cristobal Montoro (12:00), Mariano Rajoy (16:00), Marta Pascal (16:30), Nuria Gispert (17:00), Eulalia Reguant (17:30) eta Antonio Baños (18:00).
Etzi: Iñigo Urkullu (10:00), Gabriel Rufian (10:30), Albano Dante-Fachin (11:00), Ernest Benach (11:30), Ada Colau (12:00), Juan Ignacio Zoido (16:00), Xavier Domenech (16:30), Josep Ginesta (17:00), Francesc Iglesies (17:30) eta Adria Comella (18:00).

Zuzeneko kontakizuna

19:48

Forcadell: "Prest nago nire oinarri politikoei uko egiteko, horiek indarkeria eragingo balute"

Gorka Berasategi Otamendi

Gorka Berasategi Otamendi

19:46

"Ez dut ulertzen zergatik nagoen auzipetuta hemen eta, aldiz, mahaiko nire kideak Kataluniako Auzitegi Nagusian ari diren epaitzen desobedientziagatik". Hartu dituen erabaki guztiak bere kideek hartu dituzten berberak direla nabarmendu du Forcadellek. "Bueno, bai, ulertzen dut" gaineratu du.

Gorka Berasategi Otamendi

Gorka Berasategi Otamendi

19:38

Parlamentuko presidente izan aurreko agintaldian, Erabakitzeko Eskubidearen batzordea eratu zela azaldu du Forcadellek, eta argitu du Auzitegi Konstituzionalak ez zuela batzorde hori indargabetu, Prozesu Konstituziogilearen batzordearekin egin ez bezala

Gorka Berasategi Otamendi

Gorka Berasategi Otamendi

19:33

Defentsa abokatuak nabarmendu du Europako hainbat diputatu eta parlamentutako ordezkarik babesa agertu diotela Forcadelli, eta hark bezala jokatuko zutela adierazi dutela, parlamentu batean eztabaida oro baimendu behar dela iritzita.

Gorka Berasategi Otamendi

Gorka Berasategi Otamendi

19:30

Olda Arderiu Forcadellen abokatuak hartu du hitza. Erreferendumaren Itun Nazionalaren helburua estatuarekin adostutako erreferenduma lortzea zela azaldu du Forcadellek.

19:25

Estatu abokatuak amaitu du galdeketa. Defentsa abokatuen txanda da orain.

Gorka Berasategi Otamendi

Gorka Berasategi Otamendi

19:25

2017ko urriaren 10eko osoko bilkuraren ondoren alderdi independentistek sinatu zuten adierazpenari buruz ari zaio galdezka estatuko abokatua. Kataluniako Errepublikaren sorrera jasotzen duen adierazpenaren sinatze ekitaldiak legea urratu al zuen galdetu dio. Forcadellen esanetan, ez zen legerik urratu. "Ekitaldi politikoa" izan zen.

Gorka Berasategi Otamendi

Gorka Berasategi Otamendi

19:18

Tramitazio azkarrerako zergatia zein izan zen galdetu dio estatuko abokatuak. Forcadellek erantzun du talde parlamentarioei galdetu beharko liekeela hori, beraiek eskatu zuten eta tramitazio bide hori.

Gorka Berasategi Otamendi

Gorka Berasategi Otamendi

19:12

Prozesu subiranistarekin lotutako legeen tramitazioa Espainiako Konstituzio Auzitegiaren debekua eragoztera bideratuta zegoela frogatu nahian ari da estatuko abokatua. Erreferendum legea aurkeztu zenetik tramitera onartu zen arteko denbora tartea ohikoa baino luzeagoa izan al zen galdetu dio Forcadelli. Hark azaldu du udan osoko bilkurarik egin behar ez zenez, ez zela ezer pasa lege proposamena tramitera ez onartuta ere.

Horrez gain, Erreferendumaren lege proposamena egun bakarrean tramitatu izana normala al den galdetu dio. Forcadellek errepikatu du tramitazio bide hori legezkoa dela eta talde parlamentario ugarik erabili dutela Kataluniako Parlamentuan.

Gorka Berasategi Otamendi

Gorka Berasategi Otamendi

19:02

Erreferendumaren lege proiektuaren aurkezpenean parte hartu al zuen galdetu dio estatu abokatuak. "Parlamentuko presidente izanik, karguari dagokion neutraltasunarekin bateragarri iruditu zitzaizun?". Forcadellek erantzun dio parlamentuko presidente izateaz gain, JxSiko parlamentari ere bazela.

Gorka Berasategi Otamendi

Gorka Berasategi Otamendi

18:53

Forcadell: "Auzitegi Konstituzionalaren ebazenengatik errekerituta sentitu nintzen, baina oinarrizko eskubideak defendatzeko beharra ere bagenuen."

Gorka Berasategi Otamendi

Gorka Berasategi Otamendi

18:47

Estatuko aboktua ANCren bide orriari buruzko azalpenak ari zaizkio eskatzen Forcadelli. "Gogoratzen dudanez, parlamentua ez da eragile bezala aipatzen eta ez da erreferenduma aurreikusten agertoki bezala". Forcadellen esanetan, normala da ANCren bide orrian Kataluniako independentzia aipatzea, hori delako elkartearen helburua.

Gorka Berasategi Otamendi

Gorka Berasategi Otamendi

18:43

Estatuko abokatuaren txanda orain. ANCko presidente zen garaiari buruzko galderekin ekin dio.

Gorka Berasategi Otamendi

Gorka Berasategi Otamendi

18:20

Urriaren 27an Kataluniako independentzia bozkatu al zen galdetu dio fiskalak. Forcadellek ezetz. Ondorio juridikorik gabeko adierazpen politikoa onartu zela adierazi du. Puigdemontek adierazpen hori elkarrizketaren mesedetan eten zuen, Forcadellen esanetan.

Gorka Berasategi Otamendi

Gorka Berasategi Otamendi

18:17

Forcadellen hitzetan, hilraren 10eko osoko bilkuran ebazpen proposamenak eztabaidatu eta bozkatu ziren, baina proposamen horien atarikoa ez zen bozkatu. Atarikoan txertatu zen Kataluniako Errepublikaren sorrerari erreferentzia egiten zion "adierazpen politikoa".

Gorka Berasategi Otamendi

Gorka Berasategi Otamendi

18:13

Urriaren 10ean, Puigdemontek agerraldia egin ondoren, Kataluniako Errepublika aldarrikatzen duen adierazpena sinatu zuela onartu du Forcadellek. "Adierazpen politikoa" izan zela zehaztu du, eta parlamentuko hemiziklotik kanpo sinatu zela, parlametuko beste areto batean.

Gorka Berasategi Otamendi

Gorka Berasategi Otamendi

18:10

Puigdemontek Kataluniako egoera politikoari buruz hitz egiteko agerraldi eskatu zuenean, parlamentuko mahaiak eta bozeramaile batzordeak osoko bilkura deitzea erabaki zuten, Forcadellen esanetan.

Gorka Berasategi Otamendi

Gorka Berasategi Otamendi

18:09

Urriaren 1eko erreferendumaren ondoren, Carles Puigdemontek erreferendumeko emaitzak azaltzeko agerraldi eskaera bat tramitatu al zuen galdetu dio fiskalak. Forcadellek baietz aitortu du, baina gaineratu du Konstituzionalak tramitera onartze hori indargabetu zuenez, ez zuela osoko bilkura deitu.

Gorka Berasategi Otamendi

Gorka Berasategi Otamendi

18:04

Irailaren 20ko ekitaldian "ez daukau beldurrik" esan zuelako, fiskalak azalpenak eskatu dizkio. Forcadell: "Demokrazian ez dugu beldurrik izan behar gure eskubideak praktikara eramateko".

Gorka Berasategi Otamendi

Gorka Berasategi Otamendi

18:01

Forcadell: "Bozkatzea ez da delitua".

Gorka Berasategi Otamendi

Gorka Berasategi Otamendi

18:00

Irailaren 20an, Bartzelonako ekitaldi batean Forcadellek egin zuen hitzaldiaren bideo bat ari dira ikusten salan. Jordi Cuixart eta Jordi Sanchezekin batera agerti da Forcadell oholtzan. Irailaren 22an, Justizia Jauregian egin zen ekitaldian ere parte hartu zuela adierazi du. "Kideei harrera egitera joan nintzen aske utzi zituztenean".

Gorka Berasategi Otamendi

Gorka Berasategi Otamendi

17:51

Forcadell: "Horrez gain, jendeari probokaziotan ez erortzeko eskatu nion. Protestuak baketsuak izan zitezela eskatu nuen".

Gorka Berasategi Otamendi

Gorka Berasategi Otamendi

17:49

Forcadell: "Kide atxilotuen askatasuna aldarrikatu nuen".

Gorka Berasategi Otamendi

Gorka Berasategi Otamendi

17:47

16:00ak aldera Ekonomia Kontseilaritzaren egoitzara joan zela azaldu du Forcadellek. Ia ateraino hurbildu zen "zailtasunik gabe". Oriol Junqueras orduko Kataluniako presidenteordeari elkartasuna adieraztera joan zen.

Gorka Berasategi Otamendi

Gorka Berasategi Otamendi

17:44

2017ko irailaren 20ko gertakariei buruz ari zaio galdetzen orain fiskala.

Gorka Berasategi Otamendi

Gorka Berasategi Otamendi

17:36

Forcadell: "Konstituzionalak agindutako eginkizunekin bete genuen, ez baikenuen hari entzungor egiteko borondaterik. Baina kontuan hartu behar genituen diputatuen eskubide politikoak eta parlamentuaren subiranotasuna". Forcadellek defendatu du eztabaida ezin dela debekatu, eta eztabaida horren ondoren aztertu dezaketela auzitegiek onartu diren neurriak legezkoak diren ala ez.

Gorka Berasategi Otamendi

Gorka Berasategi Otamendi

17:32

Erreferendum legearen tramitazioa irakurketa bakarreko prozeduraren parekoa dela nabarmendu du Forcadellek. Tramitazio mota hori Espainiako Kongresuan eta hainbat autonomia erkidegotako parlamentutan erabili dela azaldu du.

Gorka Berasategi Otamendi

Gorka Berasategi Otamendi

17:29

Erreferendum legearen tramitazioari buruz ari zaio galdetzen fiskala. "Horren azkar" zergatik tramitatu zen galdetzen ari zaio. "Ez zen azkar egin. Egun osoa hartu zuen". Talde parlamentarioek mahaiaren erabakiak berriz aztertzeko eskariak bat bestearen atzetik aurkezten zirelako luzatu zen pleoa goizaldera arte, Forcadellen esanetan. "Zergatik ez zen jarraitu eztabaidarekin beste saio batean?"galdetu du fiskalak. "Legeak egun bakarrean eztabaidatu ohi direlako". Fiskalak galdetu dio estrategia bat jarraitzen ari al zen Konstituzionalak eztabaida debekatu aurretik legea onar zedin.

Gorka Berasategi Otamendi

Gorka Berasategi Otamendi

17:19

Erreferendum eta Trantsizio legeak tramitera onartzerakoan, parlamentuko legelarien ohartarazpena jaso zuela aitortu du Forcadellek, baina gaineratu du beren erabakia ez dela lotestea. Hala ere, legelariek esandakoa aintzat hartu zuela azaldu du, osoko bilkurari ohartarazi baitzion lege horien onarpenak izan zitzakeen ondorio juridikoez. "Txosten juridikoak egin zituzten. Guk erabaki politikoak hartu behar ditugu. Bestela ez ziren diputatuak egongo".

Gorka Berasategi Otamendi

Gorka Berasategi Otamendi

17:15

Aurrekontuetan erreferendumerako 6 milioiko partida aurreikusten zela adierazi du Fiskaltzak. Aurrekontu proposamena tramitera onartu al zuen galdetu dio. Forcadellen esanetan, Auzitegi Konstituzionalak ez dio inolako pegari jarri mahaiari aurrekontu horien tramitazioarengatik.

Gorka Berasategi Otamendi

Gorka Berasategi Otamendi

17:11

"Erreferendumarekin lotura zuten ekinaldi asko aurkeztu ziren". Forcadellek nabarmendu du mahaiak eztabaidarekin bat datozen proposamenak onartu behar dituela tramitera.

Gorka Berasategi Otamendi

Gorka Berasategi Otamendi

17:07

Espainiako Gobernuak, Fiskaltzak eta Auzitegi Gorenak Konstituzionalaren ebazpenak bete gabe utzi dituela adierazi du Forcadellek. Haren esanetan, ziur da erakunde horiek ez dutela auzitegiari entzungor egiteko borondatea izan. Aldiz, beste ondaren eta irizpide batzuk kontuan hartu behar izan dituztela gaineratu du. "Hori egin genuen guk ere".

Gorka Berasategi Otamendi

Gorka Berasategi Otamendi

17:04

Forcadell: "Auzitegi Konstituziogileak mahaia zentsore bihurtzeko eskatu zigun. Guk oinarrizko eskubide politikoak bermatu behar genituen".

Gorka Berasategi Otamendi

Gorka Berasategi Otamendi

17:01

Osoko bilkuran Prozesu Konstituziogilearen batzordeko ondorioak "berretsi" zirela azaldu du Forcadellek, baina batzordeak berak onartu zituela nabarmendu du. "Garrantzia politikoa emateko berresten du osoko bilkurak".

Gorka Berasategi Otamendi

Gorka Berasategi Otamendi

16:57

2016ko uztailaren 16an Prozesu Konstituziogilearen batzordearen ondorioak osoko bilkuraren gai ordenean txertatu al zituen galdetu dio fiskalak. Forcadellen esanetan, ez zituen "txertatu". Osoko bilkurak gai ordena aldatzea erabaki zuela argitu du.

Gorka Berasategi Otamendi

Gorka Berasategi Otamendi

16:55

Forcadellek defendatu du mahaiko kideek ez dutela sekula Auzitegi Kontituzionalaren aginduak ez betetzeko asmorik izan. Baina gaineratu du "azken urteetan" irizpide "politikoak" ezarri dituela irizpide juridikoen gainetik. Auzitegia "politizatuta" dagoela adierazi du.

Gorka Berasategi Otamendi

Gorka Berasategi Otamendi

16:52

Fiskalak galdetu du mahaiak tramitera onartu beharko al lukeen emakumezkoen salerosketa legeztatzeko proposamen bat. Focadellek erantzun du muga beti direla giza eskubideak.

Gorka Berasategi Otamendi

Gorka Berasategi Otamendi

16:51

Forcadell: "Auzitegi Konstituzionalak ezinezkoa den zerbai eskatu zigun. Nola bihurtuko da Parlamentuko Mahaia erakunde zentsote bat? Zer eztabaidatuko den eta zer ezin den eztabaidatu erbakiko duena?"

Gorka Berasategi Otamendi

Gorka Berasategi Otamendi

16:49

Forcadell: "Beti defendatu ditugu diputatuen eskubide politikoak"

Gorka Berasategi Otamendi

Gorka Berasategi Otamendi

16:47

Forcadell: "Demokraziaren esentzia da hitzak askea izan behar duela. Parlamentuan guztiari buruz hitz egiteko aukera egon behar da. Beste kontu bat da eztabaida horren ondorio juridikoak zein diren".

Gorka Berasategi Otamendi

Gorka Berasategi Otamendi

16:43

Konstituzioak legez kanpoko jo dituen ekinaldiak tramitera onartu zituen galdetzen ari zaio behin eta berriz Forcadelli. Parlamentuko presidente ohia errepikatzen ari da mahaiak ez duela proposamenen funtsa aztertu behar, formali zuzena den baizik.

Gorka Berasategi Otamendi

Gorka Berasategi Otamendi

16:39

Forcadellek nabarmendu du Kataluniako Parlamentuko historian soilik bi proposamen ez direla tramitera onartu. 2009an bata, eta 2010ean bestea. Biak herri ekinaldi legegileak. Legeak dio kasu horretan bakarrik aztertu behar dela ekinaldiaren funtsa, legearekin bat datorren ala ez aztertzeko.

Gorka Berasategi Otamendi

Gorka Berasategi Otamendi

16:37

Prozesu Konstituziogilearen batzordea azterketa batzordea izatea erabaki zuen Parlamentuko Mahaiak, eta ez batzorde legegilea. Talde guztien parte hartzea sustatu nahi zen horrela. Forcadellek azaldu du azterketa batzordean parte hartzeko prest agertu zela PSC. Ciudadanosek ez zuen parte hartu. Batzordeak bere lana arazorik gabe egin zuela aritu du, eta hura ez zela debekatu gaineratu du.

Gorka Berasategi Otamendi

Gorka Berasategi Otamendi

16:35

Parlamentuko mahaiaz orain. Parlamentuko ekinaldiak onartu eta baztertzeko eskumena mahaiarena al den galdetu dio Fiskaltzak. Baietz Forcedellek. Konstituzioaren kontrakoak diren proposamenak baztertzeko betebeharra duen galdetudu fiskaltzak. Forcedellen esanetan, mahaiak ez du proposamenak Konstituzioaren aurkakoak diren ala ez aztertzeko ardura. Gainontzean, eztabaida mugatu ahalko lukeelako.

Gorka Berasategi Otamendi

Gorka Berasategi Otamendi

16:32

2016ko abenduaren 23an "goi bilera" batean parte hartu al zuen galdetu dio fiskalak Forcadelli, erreferendumari buruz hitz egiteko. Forcedellek erantzun du ziurrekin Erreferendumaren Aldeko Itun Nazionalaren bileran izan zela. Baina fiskalak aipatzen duen bileran ez zuela parte hartu argitu du.

Gorka Berasategi Otamendi

Gorka Berasategi Otamendi

16:26

Parlamentuko presidente zen garaiaz ari zaio gadetzen Fiskaltza.

Gorka Berasategi Otamendi

Gorka Berasategi Otamendi

16:15

Consuelo Madrigal fiskala ari da Forcadelli galderak egiten. 1980an hasi zen fiskal lanetan Madrigal (Segovia, Espainia, 1956), eta probintzia auzitegietan aritu ondoren iritsi zen Espainiako Auzitegi Gorenera. 1. Zigor Salan eta Adingabeen Fiskaltzan ibilia da, eta 2015ean eta 2016an Estatuko fiskal nagusi izan zen —kargu hori bete zuen lehen emakumea izan zen—. Ez zuten berritu karguan, ez baitzuen onartu PPk izendapenen inguruan proposatutako politika. Jose Manuel Mazak ordezkatu zuen.

Gorka Berasategi Otamendi

Gorka Berasategi Otamendi

16:14

2015eko apirilean ANCren bide orria landu zela adierazi du fiskalak. Lan horretan parte hartu zuen gadetu dio. Forcadellek ezetz erantzun du. Bide orri hori batzorde berezi batek landu zuen, Forcadellen esanetan.

Gorka Berasategi Otamendi

Gorka Berasategi Otamendi

16:12

Fiskaltzak ANCko presidentetza hauteskundeetara aurkezteko utzi al zuen galdetuta, Forcadellek ukatu egin du. 2015eko maiatzean utzi zuela azaldu du, agintaldia orduan amaitzen zelako. Orduan ez zuen hauteskundeetara aurkezteko asmorik. 2015eko uztailean JxSi koalizioa osatzeko proiektua gauzatzen hasi zen, eta Artur Mas Kataluniako presidente ohiak independente gisa aurkezteko aukera proposatu zion.

Gorka Berasategi Otamendi

Gorka Berasategi Otamendi

16:09

Fiskaltzak ANCri buruz hasi zaio galdetzen Forcadelli. Elkarteko presidente izan zen, Kataluniako Parlamentuko presidente izan aurretik.

Gorka Berasategi Otamendi

Gorka Berasategi Otamendi

16:08

Forcadellek Fiskaltzaren eta Estatuko Abokatutzarn galderei erantzungo die

Gorka Berasategi Otamendi

Gorka Berasategi Otamendi

16:08

Hasi da arratsaldeko saioa. Carme Forcadellek protesta egin du ez dagoelako katalanaren berehalako itzulpen zerbitzurik eta katalana beti gutxietxi egiten dela salatu du. Gaineratu du ez duela arazorik gaztelaniaz deklaratzeko. Gaztelania ere Kataluniako hizkuntza dela nabarmendu du.

Gorka Berasategi Otamendi

Gorka Berasategi Otamendi

15:49

Minutu gutxi barru hasiko da deklaratzen Forcadell, Auzitegi Gorenaren aurrean. Parlamentuko presidentea izandakoarentzat, 17 urteko espetxe zigorra eta inhabilitazioa eskatu ditu Fiskaltzak, matxinadagatik. Estatuaren Abokatutzak, 10 urteko espetxe zigorra eta inhabilitazioa, sedizioagatik.

Zer dio fiskaltzak? ANCko presidentea zenetik ari zela estatuaren batasuna "hausteko" ahaleginean. Ganberako presidente gisara zilegitasuna eman ziola galdeketa eta independentzia aldarrikapena babesten zituzten legeen onespenari. "Hori guztia, Auzitegi Konstituzionalaren ohartarazpenei eta eskaerei kasurik egin gabe". Irailaren 20ko mobilizazioan parte hartu eta hurrengo eguneko manifestaziora deitu izana ere leporatzen dio.

Zer dio defentsak? Parlamentuko presidenteak eta Parlamentuko Mahaiak ez dutela eskumenik ekinbide legegileak oztopatzeko. Defentsa Konstituzionalaren doktrinan oinarritzen da: haren arabera, Mahaiak ezin du debate parlamentariorik eragotzi, ezta ebazpenek konstituzioa urratzen dutenean ere.

Nor den nor Kataluniako prozesu subiranistaren kontrako epaiketan.

Gorka Berasategi Otamendi

Gorka Berasategi Otamendi

15:45

Forcadellek salaketa aurkeztu du Estrasburgon

Giza Eskubideen Europako Auzitegira jo dute Carme Forcadell Kataluniako Parlamentuko presidente ohiaren abokatuek. Forcadell behin behinean espetxeratzeko erabakia "neurrigabea" izan dela salatu dute. Auzipetutako buruzagi independentisten artean, Estrasburgora jotzen duen lehena da. Espainiako Auzitegi Gorenean auzibidea agortu du eta Espainiako Auzitegi Konstituzionalak ebazpena eman zain dago.

Olga Arderiu Forcadellen abokatuak salaketari buruzko azalpen gehiago emango ditu gaurko saioa amaitzen denean.

Gorka Berasategi Otamendi

Gorka Berasategi Otamendi

14:07

Amaitu du Jordi Cuixartek. 16:00etan jarraituko dute, Carme Forcadell Kataluniako parlamentuko presidente kargugabetuaren deklarazioarekin.

Hodei Iruretagoiena

Hodei Iruretagoiena

13:58

Cuixart: "Erresistentzia ez-biolentoa ez da erresistentzia pasiboa"

Fiskalak erakutsi ez dituen txioak aipatu ditu defentsako abokatuak. Urriaren 1ekoa da hurrengoa: "Ramon Lull eskolako erasoen aurrean, eskuak gora eta bake jendea gara oihuak. Hau da irizpidea: erresisentzia baketsua".

Cuixartek azaldu du erresistentzia ez-biolentoa ez dela "pasiboa" —Hannah Arendt, Mahatma Gandhi... aipatuz—, jarrera "proaktiboa" erakustea baizik, baina muga argi batekin: biolentziarik ez erabiltzea.

Hodei Iruretagoiena

Hodei Iruretagoiena

13:50

Irailaren 20az eta haren osteko egunei buruz ari da defentsako abokatua. Cuixart: "Salbuespenezko gertakarien aurrean desadostasuna agertu genuen, besterik ez".

Hodei Iruretagoiena

Hodei Iruretagoiena

13:48

Omnium eta ANC elkar ondo ezagutzen dutela azaldu du Cuixartek, eta irailaren 20ere batera aritu zirela. "Ia hitzik egin gabe ulertzen dugu elkar. Bien ekintza batasuna inork ezin du zalantzan jarri, eta hala jarraituko dugu".

Hodei Iruretagoiena

Hodei Iruretagoiena

13:42

Bideo bat jarri du defentsak. Irailaren 20an Cuixartek manifestariei esandakoak ageri dira: besteak beste, inor indarkeriazko jarrererekin ikusten bazuten, haiek bakartu eta bidaltzeko eskatu zuen. "Herri ez-biolentoa gara", esan zuen, besteak beste.

Hodei Iruretagoiena

Hodei Iruretagoiena

13:36

Cuixart: "Autogobernuaren defentsa gakoa da"

Fiskalak aipatu ez dituen txio batzuk erakutsi ditu defentsako abokatuak. Modu baketsuan aritzeko deia nabarmen agertzen da horietan guztietan.

"Autogobernuaren defentsa, Katalunian, gakoa da gure kidetasuna ulertzeko. Eta erantzuna bateratua izaten da". Cuixartek ukatu egin du miaketa egiten ari zirenei bidea ixtea zenik helburua.

Hodei Iruretagoiena

Hodei Iruretagoiena

13:33

Defentsako abokatuaren galderei erantzunez, irailaren 20an lauzpabost elkarrizketa eman zituela kontatu du Cuixartek, eta guztietan egin zuela modu baketsuan aritzeko deia, baita elkarretaratzea gauerdian bukatzen zela nabarmendu ere.

Hodei Iruretagoiena

Hodei Iruretagoiena

13:32

Omnium Cultural "kohesio soziala lantzeko" elkarte bat dela azaldu du Cuixartek. Estatua "menperatu" nahi izatea egotzi dio akusazioak.

Hodei Iruretagoiena

Hodei Iruretagoiena

13:24

Defentsako abokatuen galderei erantzuten ari da orain Cuixart. Nabarmendu duenez, Omnium Cultural elkartearen finantziazioa "erabat pribatua" da, eta azken urteetan ez du diru-laguntzarik jaso Kataluniako Generalitatetik.

Hodei Iruretagoiena

Hodei Iruretagoiena

13:21

Amaitu du Jaime Moreno fiskalak. Azken galdera: "Zuk badakizu zazpi polizia zauritu zituztela?".

Cuixart: "Nik dakidana da hamazazpi polizia auzipetuta daudela [Kataluniako auzitegi batean] urriaren 1eko indarkeriagatik".

Hodei Iruretagoiena

Hodei Iruretagoiena

13:18

Tentsio handiz ari dira galdeketa egiten, epailea etengabe ari da fiskalari nahiz Cuixarti kargu hartzen. Cuixart: "Fiskalari ez zaio gustatu nire erantzuna, baina hauxe da nire erantzuna, ez daukat besterik".

Hodei Iruretagoiena

Hodei Iruretagoiena

13:16

Begi bat galdu zuen herritar batek eskola batean, eta Cuixartek gogora ekarri du fiskalak esan zuena: hesi bat bota zuela airera herritar hark. Cuixart: "Eta Poliziaren erantzuna da begi bat ateratzea?".

Hodei Iruretagoiena

Hodei Iruretagoiena

13:13

Cuixart: "Espainiako herrien artean konfrontatu nahi gaituzte"

Fiskala etengabe ari da galdezka ea ez zuten indarkeriarik aurreikusten urriaren batean, indarkeria aldagaien bat lotu nahian auzipetuek egindakoari. Cuixartek erantzun dio ezetz, ez zutela imajinatzerik Poliziak horrela jokatuko zuenik: "Murtziar baten iloba naiz, ni ere erdi-espainola naiz. Espainiako herrien artean konfrontatu nahi gaituzte, eta Katalunian argi dugu ez gaitutela herrien senideen artean konfrontatuko".

Hodei Iruretagoiena

Hodei Iruretagoiena

13:08

Cuixart: "Hemen ederrena da, Europan, dagoen xenofobia joerarekin, herritarrak elkar hartu eta antolatzea, zertarako eta erreferendum batean parte hartzeko".

Hodei Iruretagoiena

Hodei Iruretagoiena

13:08

Cuixart: "Nire sinesmen bakezaleengatik, ezin diot inoiz esango herritar bati inoren aurka joateko, are gutxiago goitik behera armatuta dagoen polizia baten aurka". Cuixartek nabarmendu du inork ez zuela debekatu mobilizatzea, protesta egitea. Haren arabera, horixe egin zuen Omniumek urriaren 1ean ere.

Hodei Iruretagoiena

Hodei Iruretagoiena

13:05

Cuixart: "Ezinezkoa da Omniumek erreferenduma antolatzeko parte hartu izana. Ezinezkoa da. Inpendentzia mantendu behar dugu alderdi eta erakundeekiko. Entitate bezala, ezin dugu hori egin".

Hodei Iruretagoiena

Hodei Iruretagoiena

13:04

"Ez duzu uste, azaroaren 9ko galdeketarekin alderattua, urriaren 1ean auzitegi baten agindu bat zegoela hura eragozteko?", galdetu du fiskalak. Mas, Rigau eta Ortega azaroaren 9ko galdeketatik epaitu eta zigortu zituztela gogorarazi du Cuixartek.

Hodei Iruretagoiena

Hodei Iruretagoiena

12:57

Cuixart: "Pentsaezina da txio baten bidez masa bideratu nezakeela"

Urriaren 1eko erreferendumaz ari dira.

Fiskalak Cuixarti galdetu dio ea zergatik egin zuen eskola jakin batzuetara joateko deia. Cuixart: "Kide batek esaten zuen katalanak ez garela ardiak. Pentsaezina da txio baten bidez masa bideratu nezakeela". Kataluniako epaile batzuek eskola batzuetako gehiegizko indarkeria ikertu duela gogorarazi du, eta eskola horiek izan zirela Poliziaren indarkeria gehien jasan zutenak.

Hodei Iruretagoiena

Hodei Iruretagoiena

12:53

Erresistentzia ez-biolentoa egin nahi izan zutela azaldu du Cuixartek, eta ez zela beharrezkoa poliziek hainbesteko indarkeria erabiltzea erreferenduma eragozteko: "Poliziek helburu bera lortu ahal izango zuten pazientzia pixka bat gehiagorekin, eta biolentziarik gabe".

Hodei Iruretagoiena

Hodei Iruretagoiena

12:51

Cuixart: "Demokrazia babestu genuen gure oinarrizko eskubideen bidez"

Eskolak irekitzeko ekinaldiarekin bat egin ote zuten galdetzen ari zaio fiskala. Txio batzuen bidez orain. Eskolak "modu baketsuan defendatzeko" deia egin zuen Cuixartek, hauteslekuak "babestekoa"... Cuixart: "Noski, demokrazia babesten ari gara gure oinarrizko eskubideen bidez".

Hodei Iruretagoiena

Hodei Iruretagoiena

12:43

Desobedientzia zibilaren alde

Desobedientzia zibila erabili dutela defendatu du Cuixartek, eta hori zilegi dela. Filosofia horren printzipioak azaldu dizkio epaimahaiari: "Ekintzen ondorioak zeure gain hartzea, osorik. Hori da auzitegi honetan egiten ari naizena". Gainera, ez-biolentzia ere desobedientzia zibilaren printzipio bat dela nabarmendu du Cuixartek.

Hodei Iruretagoiena

Hodei Iruretagoiena

12:41

Fiskala ari da berriz Cuixarti galdezka, orain, urriaren 1eko erreferendumaz.

Erreferenduma independentzia onartzeko aurretiazko pausoa ote zen galdetu dio Jaime Moreno fiskalak Cuixarti: "Beraz, erreferenduma eragozten bazen, independentzia deklaratzeko aukera eragozten zen?"

Cuixart: "Nik argi daukadana da Auzitegi Konstituzionala dela erreferendumerako legea bertan behera uzten duena".

Hodei Iruretagoiena

Hodei Iruretagoiena

11:58

Atsedenaldia 12:30ak arte

Atsedenaldi bat egitea erabaki du epaileak, 12:30ak arte. Fiskala ari zaio galdezka oraindik Cuixarti, eta berak jarraituko dute atsedenaldiaren ondoren. Amaitutakoan, estatuaren abokatuak eta herri akusazioak izango dute aukera —Cuixartek erantzun nahi badie, betiere—, eta baita defentsa abokatuek ere.

Hodei Iruretagoiena

Hodei Iruretagoiena

11:55

Herritar eta polizia batzuk hizketan ari zirela azaldu du, eta laguntzen saiatu zela, poliziekin hizketan, kartelak kendu zizkietelako. Cuixart: "Poliziek ez ninduten ezagutzen... Zuek [epaimahairi begira] zarete ezagun egin gaituzuenak, jendeak lehen ez gintuen ezagutzen kaletik, ezpada giro oso subiranistetan".

Hodei Iruretagoiena

Hodei Iruretagoiena

11:50

Irailaren 20ko protestetako batean, atxilotuak eramateko furgoneta bati manifestariek "traba" egin ziotela esan du fiskalak —furgoneta eskuekin bultzatu zutela, alde batera eta bestera mugituz—. Hori erresistentzia ez-biolentoa dela defendatu du Cuixartek: "Nazioarteko komunitatearen eta estatuko botereen arreta deitzeko modua da". Gogora ekarri du jendea lurrean eseri zela, atxilotuak zeuzkaten furgoneten aurrean.

Hodei Iruretagoiena

Hodei Iruretagoiena

11:43

Fiskalaren galdera batzuetan oso agerikoa da intentzioa: "Eskerrak eman zenituen gauza asko gertatu ziren elkarrerataratze batean parte hartzeagatik?". Cuixart, segidan: "Galdera da?". Omniumeko buruak azaldu duenez, eskerrak eman zizkien parte hartzaileei, jarrera "zibikoz" aritu zirelako.

Hodei Iruretagoiena

Hodei Iruretagoiena

11:34

Fiskalak galdetu dio ea noiz eskatu zuten baimena Ekonomia Kontseilaritzaren aurrean elkartzeko. Dokumentu bat erakutsi du, urgentziaz, baimena egunean bertan eskatu zutela, 10:15 aldera. Fiskalak egotzi dio, lehenago ere bi txio publikatu zituela. Deialdi hura, urgentziazkoa izan arren, erabat beren gain hartzea erabaki zutela azaldu du Cuixartek.

Hodei Iruretagoiena

Hodei Iruretagoiena

11:25

Fiskala behin eta berriz galdetzen ari zaio Cuixarti ea zergatik ez zuten deialdia bertan behera utzi, "gerta zitekeena" aurreikusita. Miaketa harengatik desadostasuna agertu nahi izan zutela azaldu du Cuixartek, eta oinarrizko eskubidea dela manifestatzea. Indarkeriarik ikusi izan balute —lehen esan du andik irten ondoren ohartu zirela Guardia Zibilaren autoen egoeraz—, bestela arituko zirela ziurtatu du. "Baina ez zen kasua izan".

Hodei Iruretagoiena

Hodei Iruretagoiena

11:19

Manifestarien jarrera nolakoa zen galdezka ari zaio fiskala, iradokiz ezin ote zuten aurreikusi "indarkeria" —autoak kaltetzea—. Cuixart: "Gure haserrea modu zibikoan bideratu genuen, orain egiten dugun bezala, ez indarkeriaren edo a por ellos-aren bidez".

Gaztetan intsumisoa izan zela ekarri du gogora, gizarte katalanak "beti" egin duela ez-biolentziaren alde: "Jendearen gehiengoak, saihestu egiten du indarkeria".

Hodei Iruretagoiena

Hodei Iruretagoiena

11:11

Fiskalak galdetu dio ea Ekonomia kontseilaritza miatzen ari zirenek zergatik eskatu zizkioten bost ogitarteko mosso bati —fiskalak iradoki duenez, ezin zutelako handik atera—: "Bost funtzionariok bost ogitarteko eskatu bazituzten, nola jakingo dut nik zergatik izan zen? Bati pereza eman ote zion behera jaisteak, besteari... Ni pozten naiz, jendeak elkar laguntzen duelako".

Hodei Iruretagoiena

Hodei Iruretagoiena

11:07

Cuixart: "Txioaren eta kaltetutako autoen artean ez dago inolako harremanik"

Ekonomia kontseilaritzaren inguruan kaltetutako autoen inguruan ari da fiskala. "Txioaren eta kaltetutako autoen artean ez dago inolako harremanik", erantzun dio Cuixartek. "Ni iritsi nintzenerako [eguerdian], bazeuden kazetari batzuk Guardia Zibilaren autoen gainean. Ulertu nuen ez zela gure deialdi arrunt bat, gustatuko litzaigukeen gisakoa, baina horixe zen egoera".

Azaldu duenez, gauerdira arte ez zuen auto kaltetuen berri izan. Cuixartek kontatu du atsekabez hartu zutela hori: batetik, ez delako hori katalan subiranisten egiteko era. Eta, bigarrenik, auzitegietako prozedura bultzatzeko erabili delako hori gerora.

Hodei Iruretagoiena

Hodei Iruretagoiena

10:57

Cuixart: "Hemen, politika ez da iritsi oraindik"

"Arazo politiko bat ezin da bide judizialetik konpondu". Ideia hori sakondu du Cuixartek, joan den astean Madrilen izandako etxegabetze baten adibidea jarrita —herritarrek babestu zituzten bizilagunak, poliziaren aurrean; erabaki judizial bati aurre eginez—. "Politika berandu iritsi da", esan zuen Manuela Carmena alkateak haren inguruan.

Kataluniaren auziarekin egin du alderaketa Cuixartek: "Ba, hemen, politika ez da iritsi oraindik".

Hodei Iruretagoiena

Hodei Iruretagoiena

10:52

Cuixart: "Inoiz ez dugu biolentziarik erabili"

Txioaren gainean ari dira oraindik. Demokraziaren alde aritu zirela azaltzen saiatu da Cuixart.

"Nahiz eta [Franco] diktadorea ohean hil zen, ziur nago kalera atera ziren espaniar hiritarrengatik lortu zela demokrazia. Katalunian ere hiritarrek defendatu zuten demokrazia. Diktadura ere zuzenbide estatua zen, baina ez demokratikoa eta soziala. Zuzenbide estatua ezin da demokraziaren gainetik jarri".

Demokrazia eta autogobernua defendatzen jarraituko dutela ziurtatu du, beti ere, biolentziarik gabe: "Inoiz ez dugu halakorik erabili". Argi utzi du, ordea, ez diola inoiz uko egingo oinarrizko eskubideak erabiltzeari: "Arazo politiko bat ezin da bide judizialetik konpondu".

Hodei Iruretagoiena

Hodei Iruretagoiena

10:47

Cuixart: "Orain, nire lehentasuna ez da kartzelatik ateratzea"

Argipen bat egin nahi izan du Cuixartek, instrukzio epailearen aurrean egindako deklarazioaren inguruan: "Instrukzio epailearen aurrean egindako deklarazioek behar bati erantzuten zioten, baldintzatuta zeuden inpaktu emozional handi batekin, uste dudalako modu injustuan hartu nindutela preso; kartzelatik lehenbailehen irtetea lehenesten nuen orduan. Orain ez. Orain preso politikoa naiz, eta nire lehentasuna ez da kartzelatik ateratzea. Nire lehentasuna —noski, absoluzioaz gain— da konponbide bat bilatzea Kataluniaren auzian"

Hodei Iruretagoiena

Hodei Iruretagoiena

10:43

Txio bat

Hau da fiskalak Omnium elkarteari egozten dion gauza larrienetakoa. Halaxe galdetu dio Moreno fiskalak: "Omniumek txio bat bota zuen lau kontseilaritzen aurrean protesta egitera deitzeko?". Txio baten gainean ari dira eztabaidan, matxinada delitua leporatzen dioten akusatu batekin. 17 urteko espetxe zigorra eskatzen du fiskalak.

Hodei Iruretagoiena

Hodei Iruretagoiena

10:34

Cuixart: "Irailaren 20a inflexio puntu bat izan zen"

"Ez baldin bagara gai irailaren 20a ondo kokatzeko, ez dugu ezer ulertuko. Irailaren 20an, inflexio puntu bat izan zen: atxiloketak, miaketak...". Egun hartan Espainiako Esatuak egindakoak ekarri ditu gogora: gobernuko kideen atxiloketak, instituzioak miatzea, 650 alkate ikerketapean jartzea, alkateak auzipetzea, CUPen egoitzako miatzea...

"Gizarte katalanarentzat, autogobernuaren kontzeptua, autonomia katalana berreskuratzea, Espainiako Konstituzioaren aurretikoa da. Irailaren 20an herriak bere instituizoiei eraso zietela sentitu zuten, eta erantzun egin zuten. Biolentziarik gabe".

Hodei Iruretagoiena

Hodei Iruretagoiena

10:28

Cuixart: "Guk onartzen dugu urriaren 1ean izan genuen zeregina"

Oinarrizko eskubidea kriminalizatzeko asmoaren aurka ari da Cuixart, Omniumen erantzukizunari iskin egin gabe: "Omniumek beti erabiliko ditu oinarrizko eskubideak: mobilizatzekoa, adieraztekoa... [...] Guk onartzen dugu urriaren 1ean izan genuen zeregina, mobilizazio agente bezala".

Espainia aipatuta, eskubide horiek borroka eginez irabazi direla oroitarazi du Cuixartek: "Greba eskubidea, greba eginez irabazten da. Mobilizatzeko eskubidea, mobilizatuz. Botoa emateko eskubidea ere hala irabaziko dugu Katalunian, botoa emanez".

Hodei Iruretagoiena

Hodei Iruretagoiena

10:26

Irlandan domeinu bat zergatik erosi zuten galdetu dio fiskalak: "Espainian, Omnium Culturalen webgunean itxi zuten, beste ehunka bezala, Turkiak egiten duen bezala".

Hodei Iruretagoiena

Hodei Iruretagoiena

10:23

Crida per la democracia kanpainaren webgunean egindako aldaketei buruz ari zaio galdetzen fiskala Cuixarti: "Ni Omnium Cultural elkarteko presidentea naiz. Nola jakingo ditut nik webgune batean egindako egokitzapenen datak? [...] Nik ez dakit gauza tekniko horiei buruz, nik politikaz dakit".

10:18

Omnium Cultural elkartearen helburua da "demokrazia indartzea" dela azaldu du Cuixartek: "Katallunian, eta ahalko bagenu, mundu osoan". 'Crida per la democracia' kanpainari eta webguneari buruz ari zaio galdetzen fiskala: jakin nahi du ea handik dei egin ote zuten erreferendumera.

Azken urteetan kanpaina asko egin dituztela ekarri du gogora Cuixartek. "Eragiten saiatzeko gure era da diskurtsoa eratzea, kanpainak, ekitaldiak, mobilizazioak egitea".

Hodei Iruretagoiena

Hodei Iruretagoiena

10:06

"Deitu tsunami, baina ez diogu uko egingo gizarte demokratikoagoak bilatzeari"

Tsunami demokratikora deitu zutela-eta, horri buruzko azalpenak eskatu dizkio fiskalak. Cuixart: "Tsunami demokratikoak esan nahi du hiritarrak demokraziaren alde ari direla borrokan, gizarte gero eta demokratikoagoak lortzeko [...] Niri leporatzea tsunami demokratiko bat egin nahi dudala... Bai: gizarte demokratikoagoak nahi ditugu".

Katalunian ere bazterkeria egoeran dagoen herritarren zenbatekoa handia dela ekarri du gogora, eta Espainiako Estatuak, esaterako, 20.000 lagun baino gehiago auzipetu dituela mozal legearekin: "Deitu tsunami, baina ez diogu uko egingo gizarte demokratikoagoak bilatzeari [...] Demokrazia defendatzen dugunean, Espainiako Estatuarentzat ere defendatzen dugu"

Hodei Iruretagoiena

Hodei Iruretagoiena

10:03

"Galderak loturaz eta baieztapenez beteta daude"

"Arazo txiki bat dago. Galderak loturaz eta baieztapenez beteta daude", kexatu da Ciuxart, fiskalaren galderei erantzunez. Horiek atzera botatzen hasi da, eta Enfocats dokumentuari buruz galdetu dio fiskalak: "Kartzelan sartu arte ez nuen inoiz ikusi dokumentu hori".

Akusazioak dio etxe bateko miaketan aurkitu zutela dokumentu hori. Cuixartek gogora ekarri du Omnium elkartea hirutan miatu izan dutela; bat, Manuel Fraga Iribarne ministro frankistaren aginduz, eta beste bitan Pablo Llarena epailearen aginduz.

Hodei Iruretagoiena

Hodei Iruretagoiena

09:57

Fiskala: Jaime Moreno

PPtik hurbilen dagoen fiskala da Jaime Moreno (Espainia, 1958). 1983an hasi zen fiskal lanetan, eta 2003an izendatu zuten Espainiako Auzitegi Goreneko fiskal. 2015etik dabil Zigor Sekzioan. Prozedura Aholkulari aritu zen PPren gobernuarentzat Kriminaleko Legea erreformatzeko. Lan egin zuen, besteak beste, Faisan auzian, M-11ko atentatuen auzian eta Francesc Homs Kataluniako Generalitateko bozeramaile ohiaren aurkakoan ere lan egin zuen. 2017ko udazkenean Katalunian gertatu zena "Espainiaren interes orokorraren kontrako atentatu larria" izan zela argudiatu zuen auzipetuak Gorenean epaitu behar direla argudiatzeko.

09:55

Autodeterminazio eskubidearen alde aritu direla defendatu du Cuixartek. "Eta bai, presio egin dugu", esan du, eta Omnium elkarte herritar bat dela eta mobilizazioa bultzatzen aritu direla azaldu du, instituzioei presio egiteko zilegitasuna nabarmenduz.

Hodei Iruretagoiena

Hodei Iruretagoiena

09:49

Jordi Cuixart

Omnium Culturaleko presidentea zen. Fiskaltzak 17 urteko espetxe zigorra eta 17 urteko inhabilitazioa eskatu ditu, matxinadagatik. Estatuaren Abokatutzak, berriz, 8 urteko espetxe zigorra eta inhabilitazioa, sedizioagatik.

Zer dio fiskaltzak? Omnium Cultural elkarte subiranista erabili zuela milaka pertsona mobilizatzeko, eta, masa horren bidez, Espainiako Poliziaren aginteari aurre egiteko U-1ean. "Hala erakutsi zuen, irailaren 20ko elkarretaratzeen lidertza hartuz".

Zer dio defentsak? Uste du "demokrazia" bera epaitu nahi dutela epaiketan, eta estatua akusatu du defentsako idazkian. "Espainiaren lurralde hautsezintasuna kosta ahala kosta babesteak ezin du ekarri oinarrizko eskubideen urraketa masiboa". 2017ko irailaren 20an gertatutakoari dagokionez, zehaztu du Cuixartek ez ziola kalterik egin Guardia Zibilaren ibilgailuari, eta, gainera, ez zuela inor hori egitera bultzatu.

Hodei Iruretagoiena

Hodei Iruretagoiena

09:48

Jordi Ciuxart hasi da deklaratzen

Fiskaltza Kataluniako parlamentuan onartutako legeez galdetzen ari zaio Jordi Cuixarti. "Ni preso politikoa naiz, ez naiz politikari presoa", erantzun du Omnium elkarteko presidenteak, autodeterminazio eskubidea defendatuz: "Ez da informazio ematea saihesteko, baina ezin dut hitz egin parte hartu ez dudan zerbaiti buruz".

Hodei Iruretagoiena

Hodei Iruretagoiena


Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Boluntarioak hondakin artean harrapatuta daudenen bila, Idliben, Siria. ©KARAM AL-MASRI / EFE

Sirian egoera «jasangaitza» dela ohartarazi dute nazioarteko GKEek

Mikel O. Iribar

Ekialde Hurbilean 12.000tik gora dira hildakoak. Erbesteratu kurduek eskatu dute giza laguntza Kurdistango Ilargi Gorriaren bitartez emateko. Turkiako presidentea kaltetutako eremuetan izan da
Kasko Zuriak, erreskate lanean, atzo gauean, Idliben, Siria iparraldean. ©YEHYA NEMAH / EFE

Dagoeneko 12.000tik gora dira Ekialde Hurbileko lurrikaretan hildakoak

Mikel O. Iribar

Askok autoetan eta kalean lo egin dute, etxera itzultzeko beldur. Milaka dira kaltetuak, eta lurrikarak are gehiago okertu du Siria iparraldeko eta Kurdistango egoera. Erreskate taldeak hondamendi eremuetara iritsi ezinik dabiltza.

Kenyako Baserritarren Ligako idazkari nagusi Sidi Otieno, elastiko gorri batekin. ©OSKAR EPELDE JULDAIN

Kenyako Gobernuaren aurkako salaketa jarri dute transgenikoak baimentzeagatik

Oskar Epelde Juldain

Kenyako nekazari talde batek gobernua salatu du, hazi transgenikoen inportazioabaimentzeagatik. Datorren astean hasiko dute epaiketa.

AEBetako presidente Joe Biden, Kongresuko agerraldian. / ©Jacquelyn Martin, EFE

Biden: «Txinak gure subiranotasuna urratzen badu, geure burua babestuko dugu»

Arantxa Elizegi Egilegor

Estatuaren egoerari buruzko agerraldia egin du AEBetako estatuburuak. Besteak beste, Ukrainako gerraz eta droga trafikoaz aritu da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...