Albistea entzun

"Ni ez naiz politikari presoa: preso politikoa naiz"

 

Arantxa Elizegi Egilegor -

2019ko otsailak 26

Jordi Cuixartek hartu du hitza Espainiako Auzitegi Gorenean. Fiskalaren galderak erantzutea onartu du Omniumeko buruak, baina ez nolanahi, haren baieztapenak etengabe zalantzan jarriz baizik. Lehenik eta behin bere estatusa gogorarazi dio fiskaltzari, eta nabarmendu bera ez dela preso dagoen politikaria, preso politikoa baizik, eta, beraz, ez duela parlamentuak onartutako legeei buruzko informazio zehatzik, ez behintzat beste edozein herritarrek baino gehiago.

Independentziaren aldeko mobilizazioen helburua ahalik eta jende gehiena mugiaraztea ote zen galdetuta, berriz ere fiskala zuzendu du Cuixartek, eta esan gizartearen kohesioa eta autodeterminazio eskubidearen defentsa izan dela beti Omniumen helburua. Hala, helburu horrekin beti saiatu izan direla ahalik eta mobilizaziorik jendetsuenak lortzen: "Mobilizazioak antolatzen dituen edonoren helburua beti da ahalik eta jenderik gehiena erakartzea. Hala izan da Omniumen eta ANCren kasuan Irailaren 11 guztietan, eta hala izan zen eskuin muturrak, PPk eta Ciudadanosek joan den astean antolatutakoen kasuan. Inork ez du manifestazio bat antolatzen ahalik eta jenderik gutxiena biltzeko. Gauza jakina da esaten ari naizena".

Aurreko kasuetan bezala, hizkuntza ere oztopo izan da gaurkoan Espainiako Auzitegian. Cuixartek Omniumeko lankideei bidalitako mezu bati buruz galdetu dio fiskalak auzipetuari, eta hark testua itzuli behar izan du; betiere, salatu ostean auzitegiak ez duela "nahikoa gaitasunik" gaztelania ez den beste hizkuntza batean aritzeko. 

Ekonomia Kontseilaritza

Guardia Zibilak Kataluniako presidenteordetzaren, eta Ekonomia eta Ogasun kontseilaritzetan egindako miaketen aurkako protestei buruz ere galdetu dio fiskalak Ciuaxrti. Zehazki galdetu dio jakinaren gainean ote zegoen Guardia Zibilaren zazpi autoak hondatu dituela jendeak. Hark erantzun dio gauerdi aldean izan zutela horren berri, eta atsekabez hartu zuela albistea, sekula ez delako izan indarkeriaren zale eta gainera halako gertaerak ez direlako ohikoak Katalunian egiten diren manifestazioetan. Hala ere, gogorarazi du egun berean Espainiako auzitegiak 750 alkate auzipetu zituztela: "750 alkate inputatu eta inork ez du galderarik egiten Espanian?".

Fiskalak behin baino gehiagotan galdetu dio Cuixarti auto ofizialei buruz, eta horri aski iritzi ez, eta hipotesietara jo du matxinada delitua nolabait zuritzeko. Hala, egun hartan "okerragorik" gerta ote zitekeen galdetu dio Omnuimeko buruari, eta hark erantzun testuingurua errepikatuko balitz ziur dagoela berdin erantzungo luketela: "Indarkeria mota ororen aurkakoa naiz, baina uste dut herritarrek eskubidea dutela protesta egiteko arrazoia edozein dela, betiere modu baketsuan bada".

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©JAGOBA MANTEROLA / FOKU

«Gerra apartekoa da antolaketa sozial bat ezartzeko»

Igor Susaeta

Gerra erregimenaren eskema gobernatzeko eredu gisa aplikatzeak eragiten dituen egoerez eta ondorioez ohartarazi du Sanchez Cedillok 'Esta gerra no termina en Ucrania' liburuan.
NATOk berretsi du «behar beste denboraz» lagunduko diola Ukrainari

NATOk berretsi du «behar beste denboraz» lagunduko diola Ukrainari

Mikel O. Iribar - Igor Susaeta

Aliantzaren helburuetako bat da Putinek «irabazten ez duela bermatzea». G7ko herrialdeek adostu dute Ukrainako gerra krimenen ikerketak koordinatzeko sare bat egitea
Raisi Irango presidentea eta Al-Sudani Irakeko lehen ministroa, atzo. ©EFE

Irakek ez du utziko «Irakeko lurraldetik» Irani eraso diezaioten

Ander Perez Zala

Bi herrialdeetako agintariak elkartu egin dira kurduez eta eskualdeko segurtasunaz aritzeko. Harremanak «hobetzea» adostu dute

Palestinako herritarrak Israelgo segurtasun indarrek hildako palestinar baten hiletan, Ramallahn. ©Alaa Badarneh / EFE

Israelen eta Palestinaren arteko gatazka «borborka hastear» dagoela ohartarazi du NBEk

Maddi Iztueta Olano

Erakundeak bi estatu sortzeko plana onartu zuenetik 75 urte betetzen dira gaur, baina liskarrak ez du etenik izan ia. Israelgo segurtasun indarrek bost palestinar hil dituzte bart.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...