Suak kiskalita gizonezko bat hil da Derion (Bizkaia). 81 urte ditu zendutakoak. Eusko Jaurlaritzako Segurtasun sailaren esanetan, txabola eta sasi inguru batean sute bat itzaltzen saiatzen ari zenean hartu du suak, gaur, arratsaldeko lehen orduan. Herriko seminarioaren eta autobidetik aireporturako irteeraren artean dagoen baratze gunean piztu da sutea.
Suhiltzaileak 12:45 aldera joan dira sua itzaltzera. Sutea zegoen tokira iritsi direnean, gizona hilda aurkitu dute. Dirudienez, sua itzaltzeko ahaleginean zendu da. Gorpua auzi medikuaren eskuetan utzi dute heriotzaren zergatiak argitzeko. Suhiltzaileek 14:45ak inguruan itzali dute sua.
