"Eskubide oinarrizkoenak" aldarrikatuz aurkeztu dute goizean NI ZU BI herri ekimena, "bizitza-eskubidea eta pertsonen duintasuna" aipatuz, besteak beste: "Eskubideen esparruak ezkerrekoak zein eskuinekoak batzeko balio du, herrialde batekoak zein beste batekoak, gazte zein zahar". Gaitz larriekin preso dituztenen egoera ekarri nahi izan dute mahai gainera Kepa Arronategi, Gorka Fraile, Txus Martin, Ibon Iparragirre eta Joseba Borde euskal presoen senideek. Legez etxean behar dutela gaineratu dute, eta Bizkaiko herritar guztiei egin diete parte hartzeko deia.
NI ZU BI / herri ekimena
— Montantxo✊ðŸÂ½#EuskalErrepublika (@montantxo) 2019(e)ko otsailaren 25(a)
Martxoak 16 Bilbon#PresoLarrikiGaixoakEtxerapic.twitter.com/dTyrt7jJ0i
Indarrak batu nahi dituzte preso horien eskubideen alde ari diren tokian tokiko plataformek, eta deialdi bateratura deitu dute martxoaren 16rako. Bilboko zazpi zubitan elkarretaratzeak egingo dituzte —Deustuko Zubian, Pedro Arrupen, Zubi Zurin, udaletxeko zubian, Areatzakoan, Merceden eta San Antonen—. Ordu erdiko bilkuraren ondoren, bi martxa aterako dira San Antongo eta Deustuko zubietatik, eta udaletxe aurretik pasatuta, Arriaga plazan amaituko dute bidea.
