Noiz sortua: 2019-03-07 10:26:26

Altsasuko Koxka tabernara joan dira Pablo Casado eta Eduardo Inda kazetaria

Altsasuko gazteen espetxeratzea ekarri zuten gertakarien lekuan izan dira PPko presidentea, Ana Beltran Nafarroako PPkoa eta Eduardo Inda, eta jabeak bota egin ditu.

Pablo Casado eta Eduardo Inda, Altsasuko Koxka tabernan, gaur.
Pablo Casado eta Eduardo Inda, Altsasuko Koxka tabernan, gaur. Ahotsa.info

Berria -

2019ko martxoak 7

Ahotsa.info hedabideak zabaldu zuenez, Iruñera egindako bisita baliatuz, Altsasuko Koxka tabernara joan ziren atzo Pablo Casado PPko presidentea eta Eduardo Inda OK Diarioko kazetaria, antza, elkarrizketa bat grabatzera. Han izan zen Nafarroako PPko idazkari nagusi Ana Beltran ere. Aurrez, UPNren eta PPren arteko ituna sinatzeko ekitaldi bat izan zuen Casadok, eta Altsasura joan zen ondoren. Guaixe-k zehaztu duenez, hamar minutu inguruko elkarrizketa egin zuten han, tabernako jabearen baimenik gabe.

Guardia Zibilaren patrol bat ere inguruan egon zen, eta auto batzuk geldiarazi zituzten. Gazte batzuek argazkiak egin zituztela-eta, haiengana ere jo zuten guardia zibilek, Guaixe-ren arabera. Altsasuko Gurasoak taldeko bi kide ere hurbildu ziren, baina alde egiten ari ziren ordurako Casado, Beltran eta Inda.

842 egun kartzelan

Altsasuko Koxka tabernan gertatu ziren Altsasuko auzia ekarri zuten gertakariak. Espainiako Auzitegi Nazionalak 13 urte arteko zigorrak ezarri zizkien zortzi gazteri, eta preso dituzte oraindik. Preso hartu zituzten aurrenekoek —Adur Ramirez de Alda, Jokin Unamuno eta Oihan Arnanz— 842 egun daramatzate kartzelan. Iñaki Abad, Aratz Urrizola, Jon Ander Cob eta Julen Goikoetxea, berriz, iazko ekainean atxilotu zituzten, eta kartzelan dituzte ordutik. Ainara Urkijori bi urteko zigorra jarri zioten.


Eduardo inda, Altsasuko Koxka tabernan egon ondoren. Ahotsa.info

Casado eta Indaren presentziaz ohartzean, kexu agertu ziren hainbat herritar sare sozialetan. Ahotsa.info-k haien iturriak aipatuz zabaldu zuen, gertatzen ari zenaz jabetu ondoren, Koxkako nagusiak tabernatik aterarazi zituela.

Altsasuko gazteen atxiloketa eta espetxeratzeek erantzun zabala eragin zuten Euskal Herrian. Iazko ekainean, esaterako, 80.000 eta 90.000 lagun artean elkartu ziren Iruñean gazteen askatasuna eskatzeko.

Albiste gehiago

Martxoaren 29an eguneratua, 14:00etan. ©BERRIA

Koronabirusaren azken datuak

Berria

Euskal Herrian 7.773 gaixok eman dute positibo koronabirusaren proba eginda, administrazioen arabera. 350 hil dira. COVID-19 gaitza izandako 1.528 pertsonari eman diete alta. Grafikoak, albiste barruan.

Urkullu, atxiboko irudi batean. ©Juanan Ruiz / Foku

Madrilek entzungor egin dio Urkulluren eskaerari

Berria

Eusko Jaurlaritzako lehendakariak gutun bat bidali zion atzo Pedro Sanchez Espainiako presidenteari, eta eskatu zion autonomia erkidego bakoitzak erabaki ahal izatea zeintzuk diren jarduera kritikorako lagungarriak eta beharrezkoak diren jarduerak eta enpresak. Maria Jesus Montero eledunak erantzun dio Madrilek ezin dituela "desberdintasunik egin" erkidego autonomoen arabera.

Kaleak hutsik atzo, igandez. ©Jaizki Fontaneda / Foku

Espainiako Gobernuak 24 orduko luzamendua eman die enpresei, itxialdira egokitzeko

Jon O. Urain

Sanchezen gobernuak igande gauez argitaratu du funtsezkoak ez diren jarduerak eteteko dekretua. 25 sektore zerrendatu ditu.

Mapa: koronabirusaren zabalpena herriz herri

Mapa interaktiboak: koronabirusaren zabalpena herriz herri

Berria

Koronabirusak Hego Euskal Herrian zer nolako zabalpena duen ikus liteke administrazioek emandako datuekin BERRIAk sortu duen mapa honetan. COVID-19aren bilakaera grafikoetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna