Ikastetxeeratako, musika kontserbatorioetarako eta Hizkuntza Eskola Ofizialetarako 1.867 postu eskaintzen dituzte lan eskaintza publiko honetan. Jaurlaritzak berak zabaldu duenez, azken 25 urteetan EAEn egin den eskaintza zabalena da. Bihar hasi eta hilaren 27ra arte, zabalik izango da izena emateko epea.
Eskaintzen diren lanpostuetatik gehienak haur eta lehen hezkuntzako irakasleenak dira, 1.825. Horrez gain, beste 32 postu izango dira musika kontserbatorioetarako, eta gainontzeko hamarrak, Hezkuntza Eskola Ofizialetarako.
Hautagaiek ekainean egingo dute lan eskaintza publikoko bi probetako lehena. Barakaldon izango da, BECen. Hura gainditzen dutenek euren programazio didaktikoa aurkeztu eta defendatu beharko dute epaimahai baten aurrean.
Aurtengo lan eskaintza publikoa Hezkuntza Sailak azken bost urteotan egin duen bosgarrena da. Orotara 5.000 lanpostu eskaini ditu 2015az geroztik, horietatik 1.511 iaz, Bigarren Hezkuntza eta Lanbide Heziketarako.