Noiz sortua: 2019-03-07 16:35:53

Argazkilaritza

'A Whiter Shade of Pale' erakusketa ireki dute Artegunean

Herbehereetako hiru argazkilari garaikideren lanak biltzen ditu: Hellen van Meene, Carla van de Puttelaar eta Sanne De Wilde. Herrialdeko arte tradizio barrokoaren oinordeko dira hirurak.

Sanne De Wilden 'Snow White' serieko argazki bat.
Sanne De Wilden 'Snow White' serieko argazki bat. Artegunea

Itziar Ugarte Irizar -

2019ko martxoak 7

Ramon Esparza komisarioak batu ditu hiru argazkilariak Donostiako Kutxa Kultur Artegunean, Tabakaleran. Bakoitzak bere ibilbide eta estiloa ditu, baina bada lotzen dituen ezaugarri nabarmen bat, Esparzaren arabera: iparraldeko argia. Herbehereetako arte barrokoko koadroetan nola, argazkilari garaikide hauen lanetan ere leku zentrala jokatzen baitu herrialdeko argi zuriak. Ekainaren 2ra bitarte bisitatu ahalko da erakusketa.

"Erretratua ulertzeko eta postmodernitatearen urteetako argazkigintza berrikusteko" modu bana aurkeztu dute hiru artistek. Beheko solairua Van de Puttelaarren eta Van Meeneren obrak hartu dute. Lehenengoak "emakume gorputzak" izan ditu bere obraren erdigunean hasieratik, Rubens eta Rembrandt moduko margolari flandiarren argi hotz eta tonu hitsak gogora ekartzen duten estetikarekin. Van Meenen irudiek, aldiz, gaitegi zabalago bat hartzen dute; bere ibilbidearen hasieratan landutako nerabezarotik gaur egun lantzen ari den maskoten irudietara.

Sanne de Wilden argazkiak goiko pisuan jarri dituzte. Hiruretan gazteena da artista, eta obra desberdinena duena. Snow White serieko irudiak jarri ditu ikusgai Artegunean, albinismoa duten pertsonen erretratuekin osatuta dagoena. Gaitzak dakarren ezaugarrietatik abiatuta, begiradarekin "bestea" markatzeko moduez gogoeta bultzatu nahi du De Wildek. "Pertsona zaurgarriak dira, baina zaurgarritasun horren indarra azaleratzen saiatzen naiz".

Artegunean ohi denez, jarduera osagarriek lagunduko dute erakusketa: larunbatean, Helen van Meenek bere obraren inguruko masterclass bat emango du, 19:30etan; eta maiatzaren 9an, ostegunez, Ramon Esparza komisarioak hitzaldia emango du, Geldiarazitako unea. Pintura barrokotik gaur egungo argazkigintzara izenekoa.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 25ean eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, zortzi positibo atzeman dituzte PCR probekin, eta hiru gaixo ospitaleratu dituzte. Euskal Herrian 28.496 gaixok eman dute positibo guztira, koronabirusa atzemateko probaren bat eginda. Horietatik 2.020 hil dira. Grafikoak, albiste barruan.

Distantziak mantentzeko ezarritako markak, San Frantziskoko (AEBak) parke batean. ©JOHN G. MABANGLO / EFE

5,5 milioi kasu baieztatu dira munduan

Berria

AEBetan baieztatu dira positibo gehien: 1,6 milioi. Herrialde hartan ia 100.000 lagun hil dira. Munduan, denera, 379.157.

<b>Itzulera.</b> Ikasle bat, ikasgelan, maskara jantzita, Donostiako Axular lizeoan, atzo. ©GORKA RUBIO / FOKU

Ezohiko itzuleran, zorroztasunez

Irati Urdalleta Lete

Konfinamendua arintzeko bigarren fasean sartu da Hego Euskal Herria. Ikasgeletara itzuli dira Arabako, Bizkaiko eta Gipuzkoako hainbat ikasle. Uriartek «normaltasuna» azpimarratu du

<b>ELA, LAB, UGT, CCOO eta Steilas sindikatuek protesta antolatu zuten atzoko, Gasteizen.</b> ©JAIZKI FONTANEDA / FOKU

Itzulerako osasun neurriak langileekin negoziatzeko exijitu dute sindikatuek

Amaia Ramirez de Okariz Kortabarria

Hezkuntza Sailaren «aldebakarreko» erabakia salatu dute. Ikastetxeak errefortzurako eta selektibitatea prestatzeko ireki dira, haien arabera

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna