MEMORIA HISTORIKOA

'Billy el Niño' ikertzea onartu du Madrilgo epaitegi batek

Gizateriaren kontrako delituengatik ikertuko dute, beste lau polizia ohirekin batera. Frankismoaren krimenen gaineko lehenengo ikerketa izango da.

Antonio Gonzalez Pacheco 'Billy el Niño', artxiboko irudi batean.
Antonio Gonzalez Pacheco 'Billy el Niño', artxiboko irudi batean. Juan Carlos Hidalgo/EFE

Gorka Berasategi Otamendi -

2019ko martxoak 7

Madrilgo 35. epaitegiak eman duen "aurrerapausoa" txalotu du CEAQUA frankismoaren krimenen kontrako kereila argentinarraren aldeko estatu koordinakundeak. Izan ere, frankismoaren krimenak lehenengoz ikertzeko bidea ireki du Maria Isabel Durantez epailearen erabakiak.

Frankismoaren garaian egindako eskubide urraketen kontrako 30 kereila aurkeztu dira orain arte, eta horietako hainbat artxibatu egin dira. Elgetako Udalak ipinitako kereila izan zen tramitera onartu zen lehena, 2017ko abenduan, baina pozak gutxi iraun zien salaketaren bultzatzaileei. Krimenak ofizioz ikertzeko agindu zuen epailea ordezkatu zuten, deklarazioak hasi aurreko astean, eta kereila artxibatzeko agindua eman zuen epaile berriak.

Orain, beste zirrikitu bat ireki da, Madrilen. Antonio Gonzalez Pacheco Billy el Niño ezizenarekin ezagun dena ikertzeko agindu du Espainiako hiriburuko epaitegi batek. Billy el Niño Brigada Politiko Sozialeko inspektorea izan zen frankismo garaian. Beste lau polizia ohi ere ikertzea onartu du. Guztiei, gizateriaren aurkako krimenak leporatzen dizkie. Besteren artean, legez kanpoko atxiloketak, hilketak, lesioak eta torturak.

CEAQUAk adierazi du biktimen "bultzadaren eta irmotasunaren ondorio" izan dela erabakia. Elkartearen iritziz, epaitegiaren urratsak Fiskaltzaren irizpidean eragin behar du. Biktimek Fiskaltzari eskatu diote "hain larriak diren krimenen ikerketa" babesten has dadila.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Sindikatuen agerraldia, gaur. ©BERRIA

Hezkuntza Sailak «planifikazio integralik» ez duela salatu dute sindikatuek

Gotzon Hermosilla

Ohartarazi dute «transmisio kasuak ugarituko» direla neurriak hartzen ez badira. Greba egunetik astebetera, adierazi dute ez dutela baztertzen beste mobilizaziorik egitea.

Osasungintzako sindikatuen protestak. ©Gorka Rubio/FOKU

«Hitzetatik ekintzetara pasatzeko» eskatu diote sindikatuek Osakidetzari

Maria Ortega Zubiate

SATSE, ELA, LAB, SME, CCOO, UGT eta ESK sindikatuek osasun sistemaren egoera hobetzeko neurriak hartu ditzala eskatu diete Osakidetzari. Adierazi dute neurriak hartu ezean mobilizazioekin jarraituko dutela.

Hainbat ikasle, ikasgeletara sartzeko zain, Bilbon. ©Luis Jauregialtzo / Foku

32 ikasgela itxi dituzte egun bakarrean Hego Euskal Herrian

Mikel O. Iribar

Ikasturtea hasi zenetik, 364 ikasgela daude itxita Hegoaldean. Guztira 231 ikastetxetan izan dira itxiera horiek.

PCR proba bat, Gurutzetako ospitalean. ©Luis Jauregialtzo, FOKU

Lehen aldiz, laurehun kasuren langa gainditu du Nafarroak

Uxue Rey Gorraiz

Beste 826 kasu atzeman dituzte Hego Euskal Herrian. Horietatik 421 Nafarroan detektatu dituzte. Positiboek goia jo dute lurralde horretan, eta hildako bat izan da. 497 lagun daude erietxean Hegoaldean: horietatik 81, ZIUetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna