Lesakako Harriondoa kultur etxean jokatu da Nafarroako Bertsolari Txapelketako hirugarren eta azken finalaurrekoa. Joanes Illaregik irabazi du saioa, 375,5 punturekin. Haren atzetik sailkatu dira Eneko Fernandez (359), Xabat Illarregi (356,5), Saioa Alkaiza (344,5) , Josu Sanjurjo (341) eta Alazne Untxalo (355,5).
Aitzineko finalaurrekotan baino saio beroagoa izan da Lesakakoa. 270 bertsozalek bete dute Harriondoa kultur etxea, eta gogoz eskertu dute bertsolariek egindako lana.
Erabaki da finala
Horrenbertzez, erabaki da zein zortzi bertsolarik jokatuko duten Iruñean, hilaren 23ko finalean. Beren saioak irabazita, zuzenean igaro dira Eneko Lazkoz, Xabier Terreros eta Joanes Illarregi. Puntuen arabera, berriz, Eneko Fernandez, Julio Soto, Xabat Illaregi, Julen Zelaieta eta Xabi Maia. Joanes Illarregik eta Xabat Illarregik lehen aldiz kantatuko dute Nafarroako Bertsolari Txapelketako final batean.
