Klima aldaketa

Auzitara eraman dute Frantzia, klima aldaketaren aurkako neurririk ez hartzea egotzita

Gobernuz kanpoko lau erakundek jarri dute salaketa Parisko Administrazio Auzitegian. Aurrez, gauza bera egin dute Pakistanen, Kolonbian eta Herbehereetan ere.

Klima aldaketaren aurako protesta bat, otsailean, Parisen. /
Klima aldaketaren aurako protesta bat, otsailean, Parisen. / Julien de Rosa/EFE

Arantxa Elizegi Egilegor -

2019ko martxoak 14

Frantziako Greenpeace, Nicolas Hulot Fundazioa, Notre affaire a tous eta Frantziako Oxfam gobernuz kanpoko erakundeek auzitara eraman dute Frantziako Gobernua. Leporatzen diote klima aldaketaren aurkako neurri nahikorik ez hartzea. "Zuzenbide estatu batean gaude, eta hura ekitera derrigortu genezake", azaldu du Cecile Duflotek, Frantziako Oxfameko arduradunak eta Ekologia ministro izandakoak.

Ekinbidea ez dute soilik Frantzian jarri martxan. Pakistan, Kolonbia eta Herbehereak ere auzitara eraman dituzte. Salaketen helburua da gizartea ohartaraztea klima aldaketa geldiarazteko neurriak ez betetzeak dakartzan arriskuez.

Frantziaren kasuan, Trantsizio Ekologikorako ministro François de Rugyk plazaratutako ohar baten harira etorri da salaketa. De Rugyk kritikatu egin zuen gobernuz kanpoko erakundeen jarrera, esanez Frantziak hainbat neurri hartuak dituela klima aldaketari  aurre egiteko.

Baina egindako urratsak gutxietsi egin ditu Greenpeacek. Hark azaldu du salaketaren helburua ez dela Gobernuaren aurka egitea, eta bai, aldiz, gogoraraztea haren eginbeharren artean dagoela ingurumena babestea eta, horri lotuta, CO2 isuriak gutxitzea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna
S: