Friday for the future lelopean, mobilizazioak egiten ari dira ikasleak nazioarteko hainbat hiri eta herrita: besteak beste, Bartzelonan, Parisen, Milanen, Sydneyn eta Oslon. Euskal Herrian ere hainbat ekinbidetara deitu dute. Baionan, esaterako, goizean goiz irten dira ikasleak kalera, klima aldaketaren aurkako neurriak eskatzera.
Ordua 08:30erako zuten jarria, eta gazte andana bildu da elkarretaratzera. Herriko etxe atarian bildu, eta Baionako suprefektura aldera joan dira hainbat ikastetxetako ikasleak.
#FridaysForFuture Baionako herriko etxe aitzinean zirkulazioa erabat moztua da. "Berri on bat dut zuentzat: orain arte bezala segitzen ez badugu, ez gara hilen" Luzio Lizarralde mikrotik. "Frantziako 200 hiritan egiten ari gara mobilizazioak" @berria@IEHkohitzapic.twitter.com/3d75UBuWUT
— Ekhi Erremundegi (@EkhiErremundegi) 2019(e)ko martxoaren 15(a)
Hego Euskal Herrian, eguerdian
Hegoaldean ere protestarako deia egin dute ikasle mugimenduek. 13:00etarako egin dute deialdia. Bizkaian, Leioako EHUko Mikel Laboa plazan elkartu dira; Donostian, EHUko ikastegian; Gasteizen, Plaza Berrian, eta Iruñean, udaletxe parean.
Iruñean ere bai #FridayForFuture#fridaysforfuturepic.twitter.com/FTCQNuQ5Li
— Itziar gómez (@itziargomez) 2019(e)ko martxoaren 15(a)
Iruñean ere klima aldaketaren kontrako ahotsak. Hainbat gazte, ikasle eta herritar bildu dira mundu mailako greba deialdiarekin bat egiteko. Iruñea berde eta jasangarriago bat lortzeko lanean jarraitu behar dugu! #fridaysforfuture#climatechange#climastrike#pamplona#iruñeapic.twitter.com/pK1rdmAdfb
— EHBildu Iruñea (@ehbilduirunea) 2019(e)ko martxoaren 15(a)
Aldaketa klimatikoaren aurkako konzentrazioa#fridaysforfuture
— mikel otero (@otero_mikel) 2019(e)ko martxoaren 15(a)
Ikasle asko oraintxe bertan Gasteizko plaza berrian pic.twitter.com/MSUbdmmI1e
Errausketaren Aurkako Mugimenduak ere bat egin du deialdiarekin, eta elkarretaratzea egin du Donostiko Bulebarrean. Errausketa klima aldaketaren kontrako politikekin bateraezina dela ohartarazi dute.
Gaur mundu mailan planetaren aldeko greba deialdia dago. Aldaketa klimatikoa bertan dugu eta edo neurriak hartzen ditugu edo hau atzeraezina izango da. Gipuzkoan erraustegi bat eraikitzea ez doa norabide horretan @ErrausAurkMugi kalean da protestan ikasleekin#erraustegiagelditupic.twitter.com/ed6oGQksdp
— Julen Begiristain (@JulenBegi) 2019(e)ko martxoaren 15(a)
Aste honetan bertan, NBE Nazio Batuen Erakundeak salatu du estatuak ez direla nahikoa egiten ari klima aldaketari aurre egiteko. Horregatik, estatuak mugiaraztea dute helburu gaurko deitutako grebek eta mobiliazioek.
Amsterdamen, esaterako, 6.0000 ikasle inguru bildu ziren atzo, agintariei klima aldaketaren aurkako neurriak eskatzeko. Ez da lehen aldia Herbehereetan halako martxa bat egiten dutela. Otsailean, esaterako, 10.000 ikasle inguru bildu ziren Hagan, gobernuari klima aldaketaren aurkako neurri zehatzak eskatzeko. Baina Herbehereetako gobernuak iragarri du "zail" izango zaiola karbono dioxido isuriak iragarritakoa adina murriztea.
Urrunago, Australian, greba eguna dute gaur. Hainbat hiritan antolatu dituzte manifestazioak, baita hiriburuan ere. Sidneyn milaka ikasle bildu dira, Gazteria Klimaren Alde mugimenduak deituta. Aldatu zure pentsamoldea, ez klima eta Matematiketako azterketa egingo dut erabakiak hartzen direnean mezuak eskuetan irten dira kalera ikasleak, klasera joateko agintarien deiari entzungor eginez.
