Musika

Kamasi Washington eta Makaya McCraven Gasteizko Jazzaldian ariko dira

Uztailaren 20an joko dute biek Mendizorrotza kiroldegian.

Kamasi Washington, 2017an, Donostiako Jazzaldian.
Kamasi Washington, 2017an, Donostiako Jazzaldian. Gorka Rub / Foku

Berria -

2019ko martxoak 15

Gasteizko 43. Jazzaldia uztailaren 15etik 20ra egingo da, eta antolatzaileek gaur jakinarazi dutenez, Kamasi Washington eta Makaya McCravenek joko dute. Biei egokituko zaie jazz jaialdiaren azken egunean, 20an, aritzea Mendizorrotzako kiroldegiko oholtzan.

Washington (Los Angeles, AEB, 1981) jazz garaikideko izarrik handienetako bat da, eta askok jo dute generoak azken urteetan eman duen musikari inportanteentzat. Saxofoi jotzaileak funk, soul, hip-hop eta psikodelia doinuekin uztartzen du jazzaren tradizioa, eta jazz munduan ez ezik, rockarenean ere oihartzun handia izan dute haren diskoek. Azkenekoa., Heaven and Earth, bi ordu eta erdiko lan mardula da, eta iazko lanetan gehien goraipatua izan zen.

Makaya McCraven bateria jotzailea (Paris, 1983), berriz, musikarien familia baten parte izan da, eta, Frantzian jaio arren, AEBetan egin du musika ibilbidea. Haren konposizioek be-boparen, hip-hoparen eta rhythm and bluesaren artean mugitzen dira. Universal Beings azkeneko diskoa New York, Lon Angeles, Londres eta Chicago artean grabatu du.

Gaur iragarritakoez gain, besteak beste, Gregory Porter, Regina Carter Quartet eta Golden Gate Quartet izango dira Gasteizko Jazzaldian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna