Theresa May Erresuma Batuko lehen ministroak Europako Batasunetik ateratzeko epea luzazeko eskatuko dio Europako Kontseiluko presidente Donald Tuski. BBCk berri eman duenez, gutun bat helaraziko dio Mayk Tuski, gaur bertan, ekainaren 30 arteko luzapena eskatzeko. Data hori jaso arren, Mayren proposamenak beste aukera bat ere jasoko luke; hau da, behar izanez gero, Erresuma Batuaren irteera bi urtez atzeratzea. BBCren arabera, aukera hori ez da Mayren gobernukide guztien gustukoa.
Gobernuko kideekin bildu da gaur May, izan ere. Ordu eta erdiko bilera egin dute, Komunen Ganberak erabaki ondoren Mayk ezingo duela bozketara "akordio bera" eraman, funtsezko aldaketarik egin ezean. Mayren asmoa zen azken orduan onartzea bere plana, baina Komunen Ganberako presidentearen erabakiak ez dio horretarako tarterik utzi.
Ostegunean izango du bilera Mayk, Bruselan, EBko ordezkariekin.
Irlandako DUP Alderdi Demokratiko Unionistarekin ere negoziatzen jarraitzen dutela azaldu du Stephe Barclay brexit-erako ministroak.
