Enpresak

Bruselak beste isun bat jarri dio Googleri, 1.490 milioi eurokoa

Nagusitasunaren abusuagatik ezarri dio zigor ekonomikoa Europako Batasunak, eta dagoeneko 8.250 milioi euroren isunak jarri dizkio Internet sareko bilatzaile nagusiari.

Margrethe Vestager komisarioa gaur, isunri buruzko azalpenak ematen.
Margrethe Vestager komisarioa gaur, isunri buruzko azalpenak ematen. STEPHANIE LECOCQ / EFE

Xabier Martin -

2019ko martxoak 20

Margrethe Vestager lehia komisario europarrak ez du zalantzarik egiten lehiaren inguruan konpainia batek legea hautsi duela uste badu. Google izenak ere ez dio bedurrik ematen gaur bertan Bruselak ezarri duen isunari erreparatuta. 1.490 milioi euroko zigor ekonomikoa ezarri dio Europako Batzordeak Googleri merkatuan duen nagusitasun posizioa abusuz baliatzeagatik. Aurreko bi urteetan bilatzaileari jarritako beste bi isun handien ondoren iritsi da hirugarren hau, eta dagoeneko 8.250 milioi euroko ogunak jaso ditu Googlek Europako Batasunean, aurreko biei helegitea jarri badie badie ere.

Publizitatearen merkatuan Googlek beste webguneei eragozpenak jarri dizkiela dio Lehia komisarioak, Adsense for search plataforma baliatuz. Pentsatzekoa da isun horri ere helegitea jarriko diola Googlek. 2017ko ekainean Batzordeak inoiz jarritako isun handiena jarri zion Internet sareko atari ezagunari, 2.420 milioi eurokoa. Ikerketa europarrak ondorioztatu zuen Interneteko bilaketetan nagusitasuna zuela AEBetako konpainiak, eta posizio hori gehiegikeriaz baliatu zuela bere produktu eta zerbitzuei lehentasuna emateko.

Handik urtebete pasatxora, 2018ko uztailean Batzordeak berriro zigortu zuen Google, eta orduan ere sekula jarri duen isun handienarekin: 4.340 milioi euro. Sakelako telefonoen merkatuan lehia askea oztopatzeagatik ezarri zion kopuru hori bilatzaileari, eta hari ere helegitea jarri zion AEBetako konpainiak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna