Aurten bigarren edizioa duen lehiaketa 35 urtetik beherako euskal poetak sustatzeko sortu zen. Gorka Salcesek 1.000 euro esku dirutan eta Imanol Larrinaga pintorearen akuarela jasoko du sariagatik.
Itxaro Bordak, Eli Tolaretxipik eta Aritz Gorrotxategik osatutako epaimahaiak aukeratu du Salcesen lana lehiaketara aurkeztutako hamahiru lanen artean.
Bestalde, gaur hasiko da Poesialdia Donostian, eta bertan parte hartzekoa zen Adam Zagajewski poeta poloniarra. Osasun arazoak direla eta, ordea, ezingo du bertan izan.
