Lan gatazka

Atea zabaldu da Fridman errusiarrak Diaren kontrola har dezan

Akziodunen batzarrak onartu du kapitala 500 milioi eurorekin handitzea Mikhail Fridmanen proposamenez, eta EEPa egiteko libre du bidea. Euskal Herriko Diako langileak Madrilen dira kaleratu nahi dituztela salatzeko.

Diako langileen manifestazioa, aurreko astean.
Diako langileen manifestazioa, aurreko astean. MARISOL RAMIREZ / FOKU

Xabier Martin -

2019ko martxoak 20

Dia supermerkatuen kontrola Mikhail Fridman errusiarren esku geratuko da luze gabe. Haren planak dira EEP Erosteko Eskaintza Publiko baten bidez konpainiaren lema eskuratzea kapitala 500 milioi euro handituta. Akziodunn batzarrak haren proposamena onartu du gaur, eta espero da Fridmanek egun batzuetan enpresaren bere parte hartzea handitzea; gaur egun %29koa da.

Bada, Bizkaiko eta Gipuzkoako langileek Diak Madrilen egin duen akziodunen batzarrera eraman dute beren auzia. 81 langile inguru kaleratu nahi ditu supermerkatu kateak Hego Euskal Herrian, baina, negoziazio mahaian bakarrik Espainiako sindikatuen ordezkaritza dagoenez, ELA eta LABek ez daukate prozesuaren inguruko xehetasunik. Langileen artean ordezkaritza gehien duten sindikatuak dira abertzaleak, eta, horregatik, Bizkaian eta Gipuzkoan negoziatu nahi dute. Grebarekin aurrera jarraituko dutela jakinarazi dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna