Ekialde Hurbila

Gazatik jaurtitako suziri batek sei zauritu eragin ditu Tel Aviven

Israelgo lehen ministro Benjamin Netanyahuk Hamasi egotzi dio erasoa, eta "erantzun" egingo duela iragarri du.

Protestak Gazako mugan, artxiboko irudietan. /
Protestak Gazako mugan, artxiboko irudietan. / Mohammed Saber/EFE

Arantxa Elizegi Egilegor -

2019ko martxoak 25

The Jerusalem Post egunkariak zabaldu duenez, Tel Aviv iparraldean dagoen Kfar Saba herriko eraikin bat jo du Gazatik jaurtitako suziri batek. Leherketaren ondorioz, eraikina erori egin da, eta barruan zeuden sei pertsona zauritu dira, tartean bi adingabe.

Benjamin Netanyahu lehen ministroak Hamasi egotzi dio erasoa, eta ohartarazi du Israelek "erantzun" egingo duela. Gobernuburua AEBetan da bidaia ofizialean, baina iragarri du lehenago itzuliko dela herrialdera. "Gertatutakoa Israelgo Estatuaren aurkako eraso kriminal bat da", gaitzetsi du lehen ministroak.

Besteak beste, Golanko gaina izan dute hizpide bi agintariek egunotan. AEBetako estatuburu Donal Trumpek gaur du sinatzekoa Israeli lur horien gaineko subiranotasuna aitortzen dion dokumentua. Israelek 1967an okupatu zuen lurraldea, baina gaur arte nazioarteak ez du onartu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna