Komunikazioa

Apple+, Netflixekin lehiatzeko

Hollywoodeko hainbat izarrek edukiak sortuko dituzte Appleren streaming plataforma berriarentzat. Apple News+ plataforma ere sortu dute, hainbat egunkariren eta aldizkariren ordainezko edukiak biltzeko.

Jauzi handi bat eman du Aplek.
Jauzi handi bat eman du Aplek. Apple INC.

Urtzi Urkizu -

2019ko martxoak 26

Ordenagailuak, tabletak eta sakelako telefonoak saltzeko konpainia izan da orain arte Apple. Baina atzoko aurkezpenaren ostean, zerbitzuen eta edukien enpresa erraldoi bat ere izango dela ondoriozta daiteke. Hainbat proiektu berri sortu ditu AEBetako konpainiak: Apple News+ (prentsa irakurtzeko; hainbat egunkari eta 300 aldizkari baino gehiago barneratuko ditu, dagoeneko eskuragarri dago Kanadan eta AEBetan); Apple Arcade (bideo jokoen plataforma bat, harpidetza bidezkoa; urte bukaerarako, 150 herrialdetan egongo da eskura); Apple Pay (kreditu txartel propioa, titaniozkoa, eta ordainketen aplikazioan integratuko dena); Apple TV aplikazioa (telebista kate eta eduki desberdinak aplikazio berean barneratuko ditu) eta Apple+ streaming bidezko plataforma berria (Netflixekin lehiatu nahi dute, eta diru asko inbertitu dute horretarako edukietan).

Apple+ plataforma iragartzeko kanpainan AEBetako hainbat izarrek parte hartu dute: Steven Spielberg,  M. Night Shyamalan, Damien Chazelle, Ron Howard, Oprah Winfrey, J.J. Abrams, Reese Withersppon, Jennifer Aniston eta Steve Carrell. Winfreyk bi dokumental egingo ditu: bat lan eremuko jazarpenaren ingurukoa eta bestea buruko gaitzei buruzkoa. Anistnek, Carrellek eta Whitersponek The Morning Show telesailean parte hartuko dute (lan arloan emakumeek duten indarraren ingurukoa). Spielbergek ere telesail bat egingo du Applern plataformarentzat. Udazkenean ehun herrialdetan baino gehiagotan egongo da martxan zerbitzua.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna