Ikusgai da jada Martin Ugalde beka irabazi eta pasa den astean aurkeztu zen ikus-entzunezkoa: Tira ahala tira: generoaren trataera Egunkarian eta BERRIAn. Danele Sarriugartek, Kattalin Minerrek, Maddi Altunak eta Maria Maiak ondu dute, Euskaldunon Egunkaria-k eta BERRIAk genero gaietan izan duten eragina aztertuz.
BERRIA fundazioak, Elkar fundazioak, Jakin-ek eta Martin Ugalde kultur parkeak eman zioten beka lan horri, Andoaingo Udalaren laguntzarekin. 2017ko maiatzean egin zuten deialdia. Martin Ugalde bekaren hurrengo deialdia martxan da dagoeneko, eta laster emango dute horren berri.
