Ondarroako emakumeentzat (Bizkaia) topagune izan nahi du Etxelila webguneak: "Enpatia sortzeko topagunea, ikasteko eta informazioa jasotzeko tokia, jabekuntza sareak sortzeko espazioa, eta emakumeen berdintasuna, askatasuna, partaidetza eta presentzia sustatzeko espazioa", egileen arabera.
Gazteen konpetentzia digitalak indartzeko helburuarekin sortu du PuntuEus fundazioak lehiaketa. Gazteen artean alfabetizazio digital apala ikusi zuten: "Kontsumitzaile dira, baina ez sortzaile", eta horretan eragiteko asmoz sortu zuten lehiaketa.
DBH eta Batxilergoko ikasleen lana izan da taldeka webgune erreal bat sortzea, praktikan oinarrituta, kontsumitzaile zirenak sortzaile digital bihurtu dira. Horrekin batera, irakasleen trebakuntzan indartu nahi izan du fundazioak lehiaketaren bidez.
