Kazetaren arabera, errege etxearentzan egindako txostena da egunkariak eskuratu duena, bertan jasotzen dira hainbat preso politikoren mediku azterketak. Horietan aipatzen dituzte elikadura txarraren, kolpeen eta erreduren arrastoak dituztela gaixoek. The Guardian egunkariak berak azaldu duenez, txostenari buruzko galdetu diote Saudi Arabiako errege etxeari, baina hark ez du erantzunik eman.
Osasun arazoak, oinez ibiltzeko arazoak eta kolpeak dituzte presoetako askok. Kasuetako batean, dokumentuak zehazten du presoak ezin duela ohetik altxa elikadura txarragatik eta erredura aztarnak dituela gorputzean: "Zauriak ez dira senndatu utzikeriagatik". Medikuek aholkatzen dute isolamendutik atera eta erietxera eramateko, azterketa gehiago egin ahal izateko.
Tratu txarrak jasan dituzten presoetako asko bakartuta daude, eta medikuek aholkatzen diete agitariei gaixo daudenak aske utz ditzatela. Dokumentua bera errege etxearen esku utziko dute datozen egunetan.