"Borondate jazarlea" izan zutela argudiatuta, fiskaltzak Bartzelonako Probintzia Auzitegiari eskatu dio 2017ko urriaren 1ean Kataluniako independentzia erreferendumean bozkatu zuten bederatzi boto emaileri "erresistentzia aktiboa" leporatzeko. Hala, bi fiskalek Poliziaren Sindikatu Profesionalaren tesiarekin egin dute bat, eta epaileari argudiatu diote bederatzi horiek ez zirela "elkarlanean aritu" poliziekin egun horretan.
Sindikatu horrek U-1ean botoa eman zuten hemeretzi pertsona ikertzeko eskaria egin zuen, baina auzitegiko epaileak ezezkoa eman zion, hautesle horiek "izaera pasiboa" izan zutela argudiatuta; ˆhain justu, sindikatuak inputatuak izatea nahi duen bederatzi boto emaileek Poliziaren aurkako kereilak edota salaketak aurkeztu zituzten, U-1ean "zauriak" jasan zituztelako; Bartzelona erdialdean dagoen Pau Claris institutuan eman zuten botoa.
