ETS Euskal Trenbide Sarea elkarteak jakinarazi duenez, dagoeneko adjudikatu dute Hernani eta Astigarraga arteko AHTaren zatia. Lanek 47,3 milioi euroko kostua izango dute, eta 41 hilabeteko epean amaituta egongo direla aurreikusten dute.
Berez, Gipuzkoako bi herri horien arteko lanen lehen fasea duela zazpi urte hasi zuten, eta, ETSk aurreratu duenez, horien %40 amaituta daude. Atzerapenen arrazoiez galdetuta, elkarteak azaldu du aldaketak egin behar izan dituztela hasieran adjudikatu zuten proiektuan. Bigarren faseko lanak aurtengo azken lauhilekoan jarriko dituzte abian.