Lasarte-Orian, motor batek eta auto batek elkar jo dute. N-1 errepidean gertatu da ezbeharra, 17:00ak aldera. Istripuan, 65 urteko motor gidari bat hil da. Eusko Jaurlaritzako Segurtasun sailak jakinarazi duenez, Ertzaintza istripuaren zergatiak ikertzen ari da. Motorraren eta autoaren arteko talkaren ondorioz, beste motor batek istripua izan du toki berean, eta 21 eta 23 urteko bi bidaiariak arin zauritu dira.
Tamalez hildako bat egon da #N1 Km 453 Lasarteko #Istripularria-n. #Trafikoa
— Trafiko Zuzendaritza (@trafikoaEJGV) 2019(e)ko apirilaren 2(a)
Hay que lamentar una víctima mortal en el accidente grave de la #N1 Pk 453 Lasarte #Trafikoa
Istripuak bi lerroak ixtera behartu du Donostiako noranzkoan. Trafikoa Lasarte-Oria herri barrutik bideratu dute, eta autoilara luzeak sortu dira. Errepidea 18:00ak aldera ireki dute.
Bestalde, Markina-Xemeinen, furgoneta batek txirrindulari bat harrapatu du, BI-633 errepidean. Txirrindularia larri zaurituta eraman dute Osakidetzako larrialdi zerbitzuek, helikopteroz, Gurutzetako ospitalera.
Istripuaren ondorioz, konorterik gabe gelditu da txirrindularia. Bizkaiko suhiltzaileen esanetan, bihotz-biriketako bizkortze ariketak egin dizkiote 25 minutuz, eta konstanteak berreskuratzea lortu dute. Azkenean, baina, ospitalean hil da.
Accidente #Markina ciclista herido, tras 25 minutos de RCP recupera constantes, trasladado x helicóptero @osakidetzaEJGV a hospital
— Bomberos Bizkaia (@BomberosBizkaia) 2019(e)ko apirilaren 2(a)
Markinako #Trafiko#istripua _n zauritutako txirrindulari, 25 minutu BBB egiten eta konstanteak berreskuratu dira, helikopteroz ospitalera eramana
BI-633 errepidea itxita egon da Markina-Xemein parean, 12:00ak ingurura arte.