Abiatu da 21. Korrika Garestik (Nafarroa) eta harekin batera baita BERRIAren Korrikari buruzko webgune berezia eta Korriklika telebista saioa ere. Azken horretan parte hartzen dute Txakur Gorria kolektiboko kideek.
Datozen egunetan, Mugarrika atala egingo dute Txakur Gorria-ko kideek, Korrikak urte hauetan guztietan izandako mugarrietan oinarrituta. Lehen Korriklika saioan ikus daiteke ilustrazio horietatik lehena.
Denera zazpi ilustrazio egingo dituzte saiorako, eta horiek eskuratzeko aukera ere izango du nahi duenak. Horretarako nahiko da Korrikari buruzko BERRIAren webgunean sartu eta zozketarako izen ematea. Izen emateko aukera zabalik izango da apirilaren 15eko 15:00ak arte. Saridunen izenak, berriz, apirilaren 16an jakinaraziko dira.
