Nafarroan jarraitzen du Korrikak, hirugarren egunean. Iruñean izan da gaur arratsaldean eta aldarrikapenak izan dira nonahi. Garikoitz Goikoetxea berriemaile bereziak Garbiñe Petriati Behatokiko zuzendariarekin eta Xabi Gartzia Nafarroako AEK-ko koordinatzailearekin hitz egin du aldaketaren gobernuaz.
Bestetik, Txakur Gorria sormen taldeak ilustrazio bat egin du 19. Korrikan euskal hedabideek elkarlanean egin zuten saio bateratua ardatz hartuta. Ramonik eta Lohitzunek Korrikako abestiak errepasatu dituzte beren gustukoenaren bila, eta amaitzeko, Saioa Alkaiza Guallarren bertsoei lagunduko diete eguneko irudi onenek.
