Hiru garaipen lortu ditu jarraian, baina gaur ezin izan du laugarrena lortu, eta Athletic esku hutsik itzuliko da Getafetik.
Zuri-gorriek ez dute estuasun handirik izan lehen zatian, baina ez dute gauza handirik egin markagailuan aurretik jartzeko. Getaferen defentsa huts bat izan da Athleticen aukerarik onena. Cordobak atezainaren aurrean jaurtiketa egiteko parada izan du. Jaurtiketak atezainaren gorputzean jo du, ordea.
Larriago ibili da Athletic bigarren zatian. Batez ere, Getafek Angel zelairatu eta hiru aurrelarirekin jokatzea erabaki duenean. 78. minutuan, Agelek berak egin du gola, Herrerin gaindituta.
Athleticek 43 punturekin jarraituko du, beraz, Europako postuetatik hiru puntuko aldera.
