Korrikaren bosgarren egunean, prest dago Korriklikaren bosgarren saioa. Korrikaren gaurko ibilbideak Nafarroako euskararen arnasguneetatik pasatu da. Garikoitz Goikoetxea BERRIAko berriemaile bereziak Baztango eta Leitzako euskara teknikariekin hitz egin du bailara horretako euskaren erronkak ezagutzeko.
Horrez gain, Txakur Gorria sormen taldeak ilustrazio bat egin du Euskaldunon Egunkaria-ren itxiera gogoratuz. Loitzunek Ramoniri azalduko dio korrikalari mota asko daudela. Azkenik, Estitxu Arozena Albizuren bertsoei lagunduko diete eguneko irudirik onenek.