Noiz sortua: 2019-04-08 19:34:01

Donostiako metroaren obrak etengo dituzte gauez

Eneko Goia alkateak jakinarazi du ETSk berriz programatuko dituela lanak.

Amara Zaharreko bizilagunak orain bi aste, protesta batean.
Amara Zaharreko bizilagunak orain bi aste, protesta batean. Berria

Berria -

2019ko apirilak 8

Amara Zaharra auzoko bizilagunak kexatzen hasi eta hilabete eta erdira, metroaren obrek gauean eragiten duten zarataren aurrean neurriak hartu dituzte erakundeek. Eneko Goia alkateak Teledonostin azaldu zuenez, gauez obrak etetea erabaki du ETS Euskal Trenbide Sareak, «bizilagunei atseden hartzen uzteko». Hain justu, Morlansetik Kontxarako tartearen obrak berriz programatuko dituzte —bi kilometroko tunel bat egiten ari dira—, eta gaueko txanda kenduko dute, aurrez Benta Berrin egin zuten moduan. Goiak adierazi du berehala sartuko dela indarrean erabakia: «Gaur bertan programazio berriaren arabera lan egingo dute, eta horrek ekarriko du gauean lanak geratzea».

Alkateak berretsi du auzotarren kexak jasoak zituela, eta neurriak eskatu zizkiola ETSri. Ostiral gauean etxe batzuetan eginiko neurketetan oinarritu dira erabakia hartzeko: 40 dezibeletik gorako batez bestekoak jaso zituzten, legez baimendutakoaren oso goitik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna